Qazaqstan halqy Assambleiasynyŋ 30 jyldyǧy men «Jūmysşy mamandyqtar jyly» aiasynda Aqmola oblysyndaǧy «Kazrost Engineering Ltd» käsıpornynda QHA «Eŋbekkerler Assambleiasynyŋ» aşyluyna arnalǧan saltanatty ıs-şara öttı.
Şaraǧa Aqmola oblysy äkımınıŋ orynbasary Dosūlan Aitbaev qatysty. Ol «Eŋbekkerler Assambleiasy» — qoǧamdaǧy jalpyūlttyq bırlıktı saqtau tūrǧysynan erekşe äleumettık maŋyzy bar joba ekenın atap öttı.
Būǧan deiın Aqmola oblysynda Eŋbekkerler Assambleiasy «Stepnogorsk tau-ken-himiia kombinaty» JŞS-nda aşylǧan bolatyn. «Kazrost Engineering Ltd» — öŋırımızdegı auyl şaruaşylyǧy tehnikasyn öndıretın otandyq käsıporyn. Mekemede türlı etnos ökılderı qyzmet etedı, ūjymdaǧy özara syilastyq pen yntymaqtastyqqa köp köŋıl bölınedı.
Käsıporynnyŋ atqaruşy direktory Andrei Antropov Eŋbekkerler Assambleiasynyŋ käsıporyn bazasynda aşyluy — qyzmetkerler arasyndaǧy korporativtık mädeniettı odan ärı nyǧaituǧa mümkındık beretınıne erekşe nazar audardy. Is-şara barysynda qatysuşylar öndırıstık sehtardy aralap, käsıporynnyŋ jūmysy men öndırıs prosesımen tanysty.
Şara kezınde käsıporynnyŋ damuyna jäne ūjymdyq ıs-şaralarǧa eleulı üles qosqan Temırlan Balabai, Evgenii Riabinin, Daniiar İnkarov jäne Serıkjan Baukenov oblys äkımınıŋ orynbasarynyŋ alǧys hattarymen marapattaldy. «Kazrost Engineering Ltd» käsıpornynyŋ qūryltaişysy, oblystyq assambleia müşesı Şalva Djahutaşvili QHA-nyŋ «Bırlık» medalımen marapattalyp, Eŋbekkerler Assambleiasy — bırlık pen kelısım qūndylyqtaryn damytuǧa arnalǧan alaŋǧa ainalatynyna öz senımın bıldırdı.
Is-şara soŋynda «Kazrost Engineering Ltd» jeke kompaniiasy men Aqmola oblystyq Halyq Assambleiasy arasyndaǧy yntymaqtastyqty nyǧaitu jäne Eŋbekkerler Assambleiasynyŋ qyzmetın ūiymdastyru men üilestırudı qamtamasyz etu turaly Memorandumǧa qol qoiyldy. Qatysuşylarǧa oblystyq assambleia tarapynan daiyndalǧan konserttık baǧdarlama ūsynyldy.
