Halyqaralyq atom energiiasy agenttıgı İrandaǧy Natanz iadrolyq nysanynda radioaktivtı lastanudyŋ tırkelgenın mälımdedı, dep habarlaidy "Adyrna" ūlttyq portaly Bloomberg TV-ge sıltep.
Ūiym basşysy Rafael Grossi radiasiialyq fonnyŋ artuy jergılıktı sipatta jäne halyqqa tıkelei qauıp töndırmeitının aitty. Degenmen İrandaǧy iadrolyq jäne äskeri nysandarǧa jasalyp jatqan şabuyldardyŋ jiılep ketuı alaŋdauşylyq tuǧyzady.
«Natanzdaǧy nysan – eŋ köp zaqym kelgen oryndardyŋ bırı. Onda belgılı bır deŋgeide radioaktivtı lastanu boldy, bıraq ol qorǧanys perimetrınıŋ ışınde lokalizasiialanǧan. Sondyqtan tūrǧyndar üşın naqty qauıp joq», – dedı Grossi.
Onyŋ aituynşa, soǧys qimyldarynyŋ küşeiuı qorşaǧan ortanyŋ radiasiialyq lastanu qaupın arttyruy mümkın. Osyǧan bailanysty agenttık qaqtyǧysqa qatysuşy taraptar men Parsy şyǧanaǧy elderı jäne AQŞ bilıgıne iadrolyq infraqūrylymǧa şabuyl jasauǧa bolmaitynyn eskertken.
Agenttık ökılderı älı de İran aumaǧynda jūmys ısteude jäne jaǧdai tūraqtalǧan soŋ tolyqqandy tekseru jürgızuge daiyn.
Eske salaiyq, İzrail 13 mausymnan bastap İrannyŋ iadrolyq jäne äskeri nysandaryna şabuyldaryn jalǧastyryp keledı.
