Bügın belgılı halyq aqyny, folklorşy, sazger Şäkır Äbenovtıŋ tuǧanyna 125 jyl toldy, dep habarlaidy «Adyrna» tılşısı.
Ol 1901 jyly Abai oblysy, Abai audany, Qūndyzdy auylynda tuǧan. Eŋ alǧaş şyqqan «Borsyqtar» atty öleŋı 1916 jyly «Aiqap» jurnalynda basylǧan. Ūly Otan soǧysyna qatysyp, jaralanyp maidannan elge oralǧan. Sovhozda jūmys ıstei jürıp şyǧarmaşylyqpen de ainalysqan. Aqyn qalamynan tuǧan «Qozy Körpeş – Baian sūlu», «Keipın batyr», «Ortaq aral», «Taŋşeber-Japal» poemalary köpşılıktıŋ köŋılınen şyqqan.
Eskı şejıre, halyq ädebietınıŋ bılgırı Janaq, Sabyrbai, Tübek, Dulat, Baikökşe sekıldı aqyndardyŋ mūrasyn tūŋǧyş ret qaǧazǧa tüsırgen. Muzyka mamandary Şäkır Äbenovtıŋ aituymen köptegen än men küilerdı notaǧa jazyp alǧan.
Şäkır Äbenov – tūŋǧyş prezident Nūrsūltan Nazarbaevtyŋ ant beru räsımınde bırınşı bata bergen aqsaqal. 91 jastaǧy aqyn batasynda halyqtan keşırım sūrap, öz qatesın özı tüzeu kerektıgın aitqan edı.
«Negızgı bata – Nūrsūltanǧa halyqtyŋ batasy. Ol üşın üş mındet atqaruy kerek. Bırınşı, jūmysker, dihanşy, mal ösıruşı şarualardyŋ eŋbegıne ysyrap jasatpai, dūrys basşylyq berıp baqylap otyru. Ekınşı, halyqqa ziian keltıretın zorlyqşyl zūlymdarǧa aiausyz jaza berıp, tyiym salu. Üşınşı, äldeqandai sebeppen özı qatalassa, halyqtan keşırım sūrap, öz qatasyn özı tüzeu»,- degen edı halyq aqyny.
Onyŋ beretın batasynyŋ mätının eşkım aldyn-ala teksermegen, sebebı aqsaqal aitar sözın qaǧazǧa jazyp, daiyndamaitynyn jetkızgen.
