12 qazanda "QAZAQSTAN" ortalyq konert zalynda reseılik solıster men Qazaq memlekettik sımfonııalyq orkestriniń qatysýymen "Qazaqstandaǵy Reseıdiń mádenıet kúnderi" aıasynda konert ótedi, dep habarlaıdy “Adyrna” ulttyq portaly Sputnik Qazaqstan saıtyna silteme jasap.
Qonaqtar orys kompozıtorlarynyń shyǵarmalaryn, orys arııalaryn, romanstary men zamanaýı kompozıtorlardyń shyǵarmalaryn tyńdaı alady.
Sonymen qatar qazaqstandyq opera ánshilerimen de dýet bolady.
Konertte belgili ánshiler óner kórsetedi:
Zaýrbek Gýgkaev, reseılik dırıjer, Soltústik Osetııa respýblıkasynyń eńbek sińirgen qaıratkeri. Ol túrli peterbýrgtik orkestrmen jumys istedi. Onyń ishinde – Sankt-Peterbýrgtiń memlekettik sımfonııalyq orkestri, Kapella men Balalar fılarmonııa orkestri bar. Sonymen qatar Belarýs Respýblıkasy memlekettik akademııalyq sımfonııalyq orkestrimen óner kórsetti.
Anna Aglatova, Reseı memlekettik akademııalyq Úlken teatrdyń solısi. 2003 jyly Anna Aglatova halyqaralyq vokalısterdiń "Bella voce" baıqaýyna qatysyp, jeńimpaz atanǵan. 2005 jyly Germanııada ótken "Novye ımena" baıqaýyna qatysty. Ol jerde úshinshi premııany jeńip aldy. 2007 jyly "Zolotaıa maska" festıvaliniń arnaıy syılyǵyn jeńip aldy.
Vladıslav Kýprııanov,Marıın teatrynyń solısi, P.Chaıkovskıı atyndaǵy XVI halyqaralyq festıvaldiń arnaıy syılyǵynyń ıegeri. Vengrııadaǵy Crescendo jazǵy akademııada amerıkandyq bas Stıven Morshekadan tálim alǵan. Germanııa, Vengrııa qalalaryna gastrolmen barǵan. Raınsbergtegi mýzykalyq festıvalge qatysqan (Germanııa);
Vladımır Magomedov, Úlken teatrdyń shaqyrylǵan solısi. Borıs Parkovskıdiń Orfeı partııasyn oryndaǵany úshin SSSR halyq ártisi ataǵyn ıelengen. 2013 jyly "Bolshaıa opera" televızııalyq vokal baıqaýynyń jeńimpazy.
Konstantın Emelıanov, P.I.Chaıkovskıı atyndaǵy halyqaralyq baıqaýdyń laýrety. 2019 jyldan beri Yamaha-nyń resmı pıanısi.
Anastasııa Tıýrına, 2017 jáne 2018 jyldary "Moskva vstrechaet drýzeı" halyqaralyq festıvaliniń ashylýynda "Vırtýozy Moskvy" memlekettik kameralyq orkestrde, Veronadaǵy H Eýrazııalyq ekonomıkalyq forýmda óner kórsetken.
Aleksandr Ramm,P.I.Chaıkovskıı atyndaǵy halyqaralyq baıqaýdyń kúmis medal ıegeri.
Sonymen qatar Vologod memlekettik tarıhı-arhıtektýralyq jáne kórkemsýret mýzeı-qoryǵynyń "Vologodskoe krýjevo" kórmesi ótedi. Kórmege sýretshiler N.V. Veselova, M. Iý. Palnıkova, A.N. Rakcheevanyń týyndylary qoıylǵan.
”Adyrna” ulttyq portaly
