12 qazanda "QAZAQSTAN" ortalyq konsert zalynda reseilık solister men Qazaq memlekettık simfoniialyq orkestrınıŋ qatysuymen "Qazaqstandaǧy Reseidıŋ mädeniet künderı" aiasynda konsert ötedı, dep habarlaidy “Adyrna” ūlttyq portaly Sputnik Qazaqstan saityna sılteme jasap.
Qonaqtar orys kompozitorlarynyŋ şyǧarmalaryn, orys ariialaryn, romanstary men zamanaui kompozitorlardyŋ şyǧarmalaryn tyŋdai alady.
Sonymen qatar qazaqstandyq opera änşılerımen de duet bolady.
Konsertte belgılı änşıler öner körsetedı:
Zaurbek Gugkaev, reseilık dirijer, Soltüstık Osetiia respublikasynyŋ eŋbek sıŋırgen qairatkerı. Ol türlı peterburgtık orkestrmen jūmys ıstedı. Onyŋ ışınde – Sankt-Peterburgtıŋ memlekettık simfoniialyq orkestrı, Kapella men Balalar filarmoniia orkestrı bar. Sonymen qatar Belarus Respublikasy memlekettık akademiialyq simfoniialyq orkestrımen öner körsettı.
Anna Aglatova, Resei memlekettık akademiialyq Ülken teatrdyŋ solisı. 2003 jyly Anna Aglatova halyqaralyq vokalisterdıŋ "Bella voce" baiqauyna qatysyp, jeŋımpaz atanǧan. 2005 jyly Germaniiada ötken "Novye imena" baiqauyna qatysty. Ol jerde üşınşı premiiany jeŋıp aldy. 2007 jyly "Zolotaia maska" festivalınıŋ arnaiy syilyǧyn jeŋıp aldy.
Vladislav Kupriianov,Mariin teatrynyŋ solisı, P.Chaikovskii atyndaǧy XVI halyqaralyq festivaldıŋ arnaiy syilyǧynyŋ iegerı. Vengriiadaǧy Crescendo jazǧy akademiiada amerikandyq bas Stiven Morşekadan tälım alǧan. Germaniia, Vengriia qalalaryna gastrolmen barǧan. Rainsbergtegı muzykalyq festivalge qatysqan (Germaniia);
Vladimir Magomedov, Ülken teatrdyŋ şaqyrylǧan solisı. Boris Parkovskidıŋ Orfei partiiasyn oryndaǧany üşın SSSR halyq ärtısı ataǧyn ielengen. 2013 jyly "Bolşaia opera" televiziialyq vokal baiqauynyŋ jeŋımpazy.
Konstantin Emelianov, P.İ.Chaikovskii atyndaǧy halyqaralyq baiqaudyŋ laurety. 2019 jyldan berı Yamaha-nyŋ resmi pianisı.
Anastasiia Tiurina, 2017 jäne 2018 jyldary "Moskva vstrechaet druzei" halyqaralyq festivalınıŋ aşyluynda "Virtuozy Moskvy" memlekettık kameralyq orkestrde, Veronadaǧy H Euraziialyq ekonomikalyq forumda öner körsetken.
Aleksandr Ramm,P.İ.Chaikovskii atyndaǧy halyqaralyq baiqaudyŋ kümıs medal iegerı.
Sonymen qatar Vologod memlekettık tarihi-arhitekturalyq jäne körkemsuret muzei-qoryǧynyŋ "Vologodskoe krujevo" körmesı ötedı. Körmege suretşıler N.V. Veselova, M. Iý. Palnikova, A.N. Rakcheevanyŋ tuyndylary qoiylǧan.
”Adyrna” ūlttyq portaly
Ūqsas jaŋalyqtar
