Amerikalyq Washington Post gazetı särsenbı künı bırneşe bölım qyzmetkerlerın qamtityn auqymdy qysqartular bolatynyn mälımdedı. Eŋ köp qysqartu sport jäne jergılıktı jaŋalyqtar bölımderıne, sondai-aq halyqaralyq tılşıler jelısıne qatysty bolady, dep habarlaidy «Adyrna» tılşısı BBC-ge sılteme jasap.
Washington Post — AQŞ-taǧy būrynnan kele jatqan jetekşı basylymdardyŋ bırı. 2013 jyly gazettı Amazon kompaniiasynyŋ negızın qalauşy milliarder Djeff Bezos satyp alǧan. 2017 jyly Donald Tramptyŋ prezidenttık kezeŋı bastalǧan kezde basylym Democracy Dies in Darkness («Demokratiia qaraŋǧylyqta öledı») degen ūranmen jaryq köre bastady.
Gazettıŋ atqaruşy redaktory Mett Marreidıŋ aituynşa, būl qysqartular basylymnyŋ tūraqtylyǧyn qamtamasyz etuı tiıs.
«Būl — qiyn şeşım. Eger bız tek aman qaludy emes, damudy qalasaq, jurnalistikamyzdy jäne biznes modelımızdı jaŋaşa qalyptastyryp, jaŋa maqsattar qoiuymyz qajet»,-dep
Alaida basylym qyzmetkerlerı men keibır eks-basşylar būl qadamdy qataŋ synǧa aldy.
2021 jylǧa deiın bas redaktor qyzmetın atqarǧan Marti Baron būl jaǧdaidy «älemdegı eŋ ūly jaŋalyq ūiymdarynyŋ bırı tarihyndaǧy eŋ qaraly künderdıŋ bırı» dep atady.
Qysqartulardyŋ sebebın tüsındıre otyryp Marrei soŋǧy üş jylda jasandy intellekttıŋ qarqyndy damuy aiasynda basylymnyŋ internettegı trafigı kürt tömendegenın aitty.
«Bız jiı bır ǧana közqaraspen — auditoriianyŋ bır ǧana bölıgı üşın jazamyz», — dep qosty ol.
Onyŋ aituynşa, būdan bylai Washington Post basylymy saiasat, ūlttyq qauıpsızdık, jurnalistık zertteuler, sondai-aq densaulyq pen äl-auqatqa qatysty taqyryptardy jariialauǧa basymdyq beredı.
Qysqartylatyn qyzmetkerler sany resmi türde jariialanǧan joq. Alaida New York Times basylymynyŋ ekı derekközıne süiensek, Washington Post kommersiialyq bölımderdı qosa alǧanda ştattyŋ şamamen 30 paiyzymen qoştasady. NYT mälımetınşe, şamamen 800 jurnalistıŋ 300-den astamy jūmystan ketedı.
Eske salaiyq, gazet 2024 jyly AQŞ-taǧy prezident sailauy qarsaŋynda eşbır kandidatqa qoldau bıldırmeitının jariialaǧannan keiın ondaǧan myŋ jazyluşysynan aiyryldy. Būl şeşımdı basylym iesı Djeff Bezos qabyldaǧan.
