Qaraǧandy oblysynda qaŋǧybas januarlar mäselesı qoǧamdyq dabyl deŋgeiıne jettı, dep habarlaidy "Adyrna" ūlttyq portaly.
Äleumettık jelı qoldanuşylary men qala tūrǧyndary jergılıktı bilıkten naqty şara qoldanudy talap etude. Soŋǧy jaǧdai Älihan Bökeihan audanynda tırkelıp, 10 jasar balanyŋ ömırıne qauıp töngen.
Būl turaly tarihşy Ädılet Jaǧypar äleumettık jelısınde jazdy.
Onyŋ sözınşe, Chapaev köşesındegı 176-üidıŋ maŋynda qaŋǧyǧan itter üiındısı 10 jasar Älihan esımdı balaǧa şabuyl jasaǧan. Kezdeisoq ötıp bara jatqan tūrǧynnyŋ araşa tüsuınıŋ arqasynda bala aman qaldy. Zardap şekken jasöspırım bırden №1 auruhanaǧa jetkızılıp, medisinalyq kömek körsetıldı. Qazırgı taŋda polisiia qyzmetkerlerı atalǧan derek boiynşa aryz qabyldap, tekseru jürgızude.
Jelı qoldanuşylary būl mäselenıŋ jüielı sipat alǧanyn aityp, dabyl qaǧuda.
"Balalarymyzdyŋ zäresı ūşty. Sabaqtan keşıkse, 'it qauyp almady ma eken' dep alaŋdap otyramyz. Qazır itter tym agressivtı", - dep jazǧan jelıdegı qoldanuşy.
"19-şaǧyn audanda qaptap jür. Tek balalar emes, eresekterdıŋ özı qorqady", - dep aryzdaryn da bıldırgen.
"Qazaqstan Respublikasynyŋ jaŋa Konstitusiiasynyŋ jobasynyŋ 1-babynda "Qazaqstan Respublikasy – demokratiialyq, zaiyrly, qūqyqtyq jäne äleumettık memleket. Memlekettıŋ eŋ joǧary qūndylyǧy – adam men onyŋ ömırı, qūqyqtary men bostandyqtary."- dep körsetılgenın menen jaqsy bıletın şyǧarsyzdar?
Al endı köreiık sol memleketımızdıŋ eŋ joǧary qūndylyǧyn jergılıktı atqaruşy bilık ökılderı äkımder qalai qorǧaitynyn? Sol qaŋǧyǧan ittermen qalai zaŋ aiasynda küresınderıŋızdı?
Äkım myrzalar nege Qaraǧandy qalasynda qaŋǧyǧan itter mäselesın şeşuge ne kedergı?
Menıŋ körgen Aŋǧar Smaǧūl, Aisūltan Jaqypov azamattar osy mäselenı aitudai aq aityp, qoǧam ünın äkım myrzalar Sızderge jetkızgenımen nege aldyn alu şaralary jasalmaidy.
Al endı kelıp qaŋǧyǧan itter menıŋ bauyrymdy tıstep, ömırıne qauıp töndırgende bır şara qoldanatyn şyǧarsyzdar?" - dep jazdy Ädılet Jaǧypar.
