Aqorda rezidensiiasynda HHV Qysqy Olimpiada oiyndarynyŋ jeŋımpazy Mihail Şaidorov pen onyŋ jattyqtyruşylaryn marapattau räsımı öttı. Būl turaly bügın, 25 aqpanda Aqordanyŋ baspasöz qyzmetı aitty, dep habarlaidy «Adyrna» tılşısı.
Prezident Qasym-Jomart Toqaev saltanatty ıs-şarada söilegen sözınde Qazaqstan üşın būl Olimpiadanyŋ orny erekşe ekenın aitty.
«Otandasymyz Mihail Şaidorov tamaşa öner körsettı. Mänerlep syrǧanaudan altyn medalǧa ie bolyp, kök tuymyzdy Olimp şyŋyna köterdı. Sondyqtan Mihailǧa alǧysymdy bıldırıp, qūtty bolsyn degım keledı. Aqordada jinalyp otyrǧan adamdarǧa, eŋ aldymen, Mihaildyŋ äkesı men jeŋımpazdyŋ bapkerıne rizaşylyǧymdy aitamyn. Barşaŋyzdy taǧy da şyn jürekten qūttyqtaimyn! Sızder qajyrly jäne tabandy eŋbektıŋ arqasynda Mihaildy myqty sportşy, naǧyz daryn iesı retınde bükıl älemge paş ettıŋızder. Halqymyz Mihaildy maqtan tūtady, al jas buyn odan ülgı alady. Olimpiada jeŋımpazy bolu – biık maqsat jolynda kez kelgen qiyndyqty jeŋu, iaǧni, ūzaq ärı kürdelı jolǧa daiyn bolu degen söz. Temırdei tärtıppen kün saiyn tynymsyz jūmys ıstegen adam ǧana zor tabysqa jeterı anyq»,– dedı memleket basşysy.
Prezident XXV Qysqy Olimpiada oiyndaryndaǧy jetıstıkterı üşın Mihail Şaidorovty II därejelı «Barys» ordenımen, bapkerı, jattyqtyruşy-keŋesşı Aleksei Urmanovty II därejelı «Dostyq» ordenımen marapattady.
«Qūrmet» ordenı Qazaqstannyŋ mänerlep syrǧanaudan ūlttyq qūrama komandasynyŋ bas jattyqtyruşysy Äsem Qasanovaǧa, mänerlep syrǧanaudan jattyqtyruşy Stanislav Şaidorovqa, Qazaqstandyq konkimen mänerlep syrǧanau odaǧynyŋ prezidentı Bauyrjan Eralyǧa tabystaldy.
Olimpiada chempiony Mihail Şaidorov körsetken qoldauy üşın Qasym-Jomart Toqaevqa jäne barşa otandasymyzǧa rizaşylyǧyn bıldırdı.
«Qūrmettı Qasym-Jomart Kemelūly! Būl kezdesuge Olimpiada chempiony retınde qatysu – men üşın zor märtebe. Altyn medal – menıŋ ǧana emes, ata-anamnyŋ, bapkerlerımnıŋ jäne men üşın alaŋdap, qoldau körsetken barşa qazaqstandyqtyŋ jeŋısı. Būl aianbai ter tögıp jūmys ısteseŋ, jaqyn jandardyŋ mahabbaty men senımı bolsa, armandardyŋ oryndalatynyn körsetedı. Prezident myrza, sızdıŋ qoldauyŋyzdyŋ arqasynda sportşylar ülken jetıstıkterge, jaŋa tarihi rekordtarǧa qol jetkızıp jür. Men Olimpiada altynymen şektelmeimın. Aldymda ūzaq jol bar. Elımnıŋ senımın aqtap, jas ūrpaqqa ülgı bolyp, halqymyzdyŋ mereiın üstem etkım keledı. Süiıktı Otanyma, Qazaqstanyma qyzmet etemın», – dedı Mihail Şaidorov.
