Köktemgı su tasqynyna daiyndyq aiasynda Ūlytau oblysynyŋ äkımı Dastan Ryspekov su basu qaupı joǧary eldı mekenderdı aralap, jürgızılıp jatqan jūmystardy baqylap, jauapty mekemelerge naqty tapsyrmalar berdı. Tekseru barysynda äkım qabyldanyp jatqan şaralardyŋ tiımdılıgıne nazar audaryp, jūmys qarqynyn arttyrudy talap ettı.
Aldymen, Jezdı özenınıŋ 2 şaqyrymdyq aumaǧynda jürgızılıp jatqan sanasiia jūmystary tekserıldı. Äkım jaǧalaulardy nyǧaitudy jäne su ötkızu jüielerın retke keltıru boiynşa tapsyrmalar berdı. Barlyq jūmystar ekı apta ışınde tolyq aiaqtaluy tiıs.
Sonymen qatar, Dastan Ryspekov «Jezqazǧan – Petropavlovsk» respublikalyq maŋyzy bar avtojolynyŋ qazırgı jaǧdaiymen tanysty. Jezqazǧan – Ūlytau baǧytyndaǧy jöndeu jūmystaryn jedeldetu tapsyryldy. Sondai-aq, Ūlytau oblysy boiynşa «QazAvtoJol» ŪK» AQ filialynyŋ basşylyǧyna joldardyŋ jai-küiın tūraqty baqylauda ūstap, qar tazalau jūmystaryn küşeitu jönınde tapsyrma berıldı.
Äkım Şeŋber auylyna baratyn jolmen jürıp ötıp, avtojoldyŋ jaǧdaiyn tekserdı. Qardan tolyq tazartylmaǧan jol uchaskelerın qysqa merzımde retke keltıru jäne tūrǧyndar üşın qolaily jaǧdai jasau tapsyryldy.
Sonymen qatar, Qarakeŋgır, Alǧabas, Malşybai auyldaryndaǧy köpırlerdıŋ tehnikalyq jaǧdaiy tekserıldı. Anyqtalǧan aqaulardy jedel joiu jäne su ötkızu arnalary men drenaj jüielerın tazartu jūmystaryn jedeldetu jönınde tapsyrmalar berıldı.
Atap öteiık, D. Ryspekov Ūlytau oblysynyŋ aumaǧyndaǧy jol - Alǧabas auylynan Qorǧaljyn audanyna deiıngı jol jöndeu boiynşa JSQ daiyndau tapsyrdy.
Atalǧan jūmystardyŋ oryndaluy oblys äkımınıŋ jeke baqylauynda bolady. Ekı apta ışınde qaita tekseru jürgızılıp, jūmystardyŋ barysy baǧalanady.
