Ile-Alataý ulttyq tabıǵı parkinde úsh-aq kúnniń ishinde týrısterge 700 mln teńgege aıyppul salyndy. Bul týraly Almaty qalalyq tótenshe jaǵdaılar departamenti málimdedi, dep habarlaıdy “Adyrna” ulttyq portaly.
Málimet boıynsha, bıyl órt qaýipi bar kezeń bastalǵaly beri 20-ǵa jýyq adam ákimishilik jaýapqa tartyldy. Olardyń ishinde altaýy 2 mln 70 myń teńgeniń aıyppulyn tóleýge mindetteldi. 690 000 teńge aıyppuly úsh-aq kúnde salyndy.
Ákimshilik quqyq buzýshylyq týraly kodekstiń 367-baby (Ormandardaǵy, erekshe qorǵalatyn tabıǵı aýmaqtardaǵy órt qaýipsizdigi men sanıtarııalyq qaǵıdalar talaptaryn buzý) boıynsha jeke tulǵalarǵa 100 aılyq eseptik kórsetkish (345 000 teńge) kóleminde aıyppul salý jazasy qarastyrylǵan, delingen habarlamada.
Qazirgi kezde qutqarýshylar polıııamen birge reıdtik sharalar júrgizip otyrady. Oǵan park mamandary men eriktiler de qatysady. Al órt oshaqtaryn erte anyqtaý jáne ruqsat etilmegen jerde órt jaǵý faktilerin anyqtaý úshin teplovızorlar men drondar qoldanylady.
Tótenshe jaǵdaılar departamenti qala turǵyndary men qonaqtaryna taýly-ormandy alqaptarǵa barǵanda órt qaýipsizdigi erejeleriniń talaptaryn saqtaý qajettigin eskertedi.
Negizgi erejeler:
ot jaqpaý;
tamaq jasaý úshin arnaıy as pisirý qurylǵylaryn qoldaný;
temeki qaldyqtaryn tastamaýdy;
kún sáýlesimen tez tutanatyn bótelkelerdi, shyny synyqtaryn, basqa turmystyq qaldyqtardy qaldyrmaý;
shóptiń ústine ot jaqpaý;
