Qazaqstan aumaǧyna Reseidıŋ äskeri ūşaǧy şūǧyl qonyp, AQŞ ūşaǧy el aspanyn kesıp ötken, dep habarlaidy "Adyrna" ūlttyq portaly.
Atyraudaǧy Hiuaz Dospanova atyndaǧy halyqaralyq äuejai aumaǧyna reseilık Su-30 köpmaqsatty joiǧyş ūşaǧy qonǧan.
Jergılıktı basylymdar oqiǧanyŋ 20 aqpan künı taŋerteŋ bolǧanyn habarlady.
Aldyn ala mälımet boiynşa, ūşaqty Resei Federasiiasynyŋ azamaty Dmitrii Nifantev basqarǧan. Äue kemesı Kaspii teŋızı akvatoriiasynda äskeri oqu-jattyǧu ūşuyn oryndap jürgen.
Ūşu barysynda pilot baǧytynan jaŋylyp, keiın şūǧyl türde Atyrau äuejaiyna qonu turaly şeşım qabyldaǧan. Qonu ştattyq rejimde öttı, äuejai jūmysyna jäne jolauşylarǧa qauıp tönbegen. Barlyq reister keste boiynşa oryndalǧan.
Ūşaq jerge qonǧannan keiın pilotqa medisinalyq kömek körsetıldı. Qajettı räsımderden soŋ jäne kelısımderden keiın joiǧyş Qazaqstan aumaǧynan şyǧyp, Reseige qaita ūşyp ketken.
Qazırgı taŋda oqiǧanyŋ män-jaiyn qūzyrly organdar anyqtap jatyr.
Sonymen qatar, AQŞ ūşaǧy Qazaqstan aumaǧyn kesıp ötken.
Ol Murman oblysy arqyly Resei aumaǧyna kırıp, keiın Qazaqstanǧa qarai ūşqan.
Boeing 787-8 Dreamliner – AQŞ-tyŋ Vaşington qalasyndaǧy Endrius äue bazasy aviasiialyq bazasynan ūşyp şyqqan. Ūşaq Grenlandiia, Norvegiia jäne Finliandiianyŋ äue keŋıstıgın kesıp ötken.
Qazaqstan uaqyty boiynşa saǧat 11:10-daǧy mälımetke säikes, äue kemesı Qazaqstannyŋ äue keŋıstıgınde bolǧan.
Boeing 787 Dreamliner – ūzaq qaşyqtyqqa arnalǧan, ekı qozǧaltqyşty ūşaq. Būl ūşaqtardy AQŞ-taǧy Boeing kompaniiasy Boeing 767 ūşaǧynyŋ ornyna jasap şyǧarǧan.
