Qazırgı eŋbek naryǧy būrynǧydai tūraqty emes. Är bırneşe jyl saiyn jaŋa mamandyqtar paida bolyp, keibırı özektılıgın joǧaltady.
Osyndai qarqyndy özgerıster kezeŋınde bolaşaqta sūranysqa ie bolu üşın käsıbi baǧytty erte aiqyndau maŋyzdy.
Osy qajettılıktı eskere otyryp, Timur Qūlybaevtyŋ Halyk qaiyrymdylyq qory «Tälımger» jobasy aiasynda Bolashaq.me sifrlyq proforientasiialyq platformasy ıske qosyldy. Joba jasöspırımderge mamandyqty sanaly taŋdauǧa kömektesetın jaŋa buyn infraqūrylymy retınde ūsynylyp otyr.
Bolashaq.me platformasy qoldanuşylarǧa arnaiy testıleuden ötıp, özıne säikes keletın mamandyqtar spektrın anyqtauǧa mümkındık beredı. Ärı qarai oquşy nemese student taŋdalǧan mamandyqtyŋ mazmūnymen tereŋırek tanysa alady: jūmys künı qalai ötedı, qandai daǧdylar qajet, eŋbek naryǧyndaǧy sūranys deŋgeiı qandai, jalaqy mölşerı qanşa – barlyǧy jüielengen formatta ūsynylǧan.
Platforma bazasynda 24 sala boiynşa toptastyrylǧan 1000-nan astam mamandyq qamtylǧan. Är mamandyqqa balama ataular engızılgen, būl ızdeu prosesın jeŋıldetedı.
Kışı synyp oquşylary üşın aqparat jeŋıl ärı tüsınıktı tılde ūsynylsa, joǧary synyp oquşylary men studentterge naqty eŋbek şarttary men jūmys beruşılerdıŋ talaptaryna basymdyq berıledı.
Joba aldaǧy uaqytta da damytylady: mektep proforientologtaryna arnalǧan ädıstemelık materialdar men ata-analarǧa praktikalyq keŋester qosylady. Sonymen qatar test nätijesıne säikes joǧary oqu oryndaryndaǧy mamandyqtar turaly naqty derekter engızu josparlanǧan.
Biznes – serıktes ärı täjıribe közı
Bolashaq.me platformasyn äzırleuge biznes ökılderı de tartylǧan. 100-den astam mamandyq boiynşa naqty salada eŋbek etıp jürgen käsıbi mamandardyŋ beinematerialdary jariialanǧan. Olar öz jūmys ornyn körsetıp, mamandyqtyŋ artyqşylyqtary men qiyndyqtary turaly şynaiy täjıribesımen bölısedı.
Būl täsıl jasöspırımge mamandyqty syrttai emes, «ışınen» köruge mümkındık beredı. Iаǧni taŋdau abstraktılı sipattamalarǧa emes, naqty täjıribege negızdeledı.
AI – jeke baǧyttauşy qūral
Platformada jasandy intellekt negızındegı keŋesşı jūmys ısteidı. Ol test nätijelerın taldap, käsıbi qyzyǧuşylyqtardy naqtylap, jeke ūsynystar qalyptastyrady.
2026 jyly AI funksionaly keŋeitılıp, jüie paidalanuşynyŋ jas erekşelıgı men daǧdylarynyŋ damu dinamikasyn eskeretın ūzaq merzımdı süiemeldeu qūralyna ainalady.
Servis tolyqtai tegın jäne Kundelik.kz bılım beru jüiesımen integrasiialanǧan. Būl ony elımızdıŋ kez kelgen öŋırındegı oquşylar üşın qoljetımdı etedı.
Bolashaq.me platformasynyŋ ıske qosyluy – adam kapitalyna baǧyttalǧan jüielı investisiialyq strategiianyŋ bır bölıgı. Qarjy, önerkäsıp, investisiia jäne bılım salalaryn bırıktıretın ekojüie elımızdegı ırı jeke jūmys beruşılerdıŋ qataryna jatady.
Osy tūrǧyda bılımge salynǧan investisiia – jekelegen qaiyrymdylyq aksiiasy emes, ekonomikalyq strategiianyŋ logikalyq jalǧasy. Ekonomika mümkındıkter jasaidy, bılım sol mümkındıkterge daiyndaidy, al sifrlyq qūraldar sanaly taŋdau jasauǧa jol aşady.
Bolashaq.me jasöspırım üşın osy mümkındıkter ekojüiesıne bastar alǧaşqy qadam bolmaq. Platforma arqyly oquşy qai salalar qarqyndy damyp jatqanyn, qai baǧytta kadr tapşylyǧy bar ekenın, bolaşaqta qandai daǧdylar sūranysqa ie bolatynyn jäne naqty nätijege jetkızetın bılım beru traektoriiasyn tüsıne alady.
Osylaişa ırı jūmys beruşı tek jūmys oryndaryn qūrumen şektelmei, aldaǧy 10–15 jylǧa arnalǧan kadrlyq rezervtıŋ qalyptasuyna da üles qosady.
