Freedom Finance pen QazTAG arasyndaǧy sot prosesı jabyq formatta ötetın boldy. Mūndai şeşımdı Almaty qalasynyŋ Medeu audandyq soty qabyldady, dep habarlaidy “Adyrna” portaly Ulysmedia-ǧa sılteme jasap.
16 aqpanda ötken sot otyrysynda sudia Jaŋabaev Freedom Finance kompaniiasy ökılderınıŋ ötınışın qanaǧattandyryp, ıstı jabyq qarau turaly ūiǧarym şyǧardy. Kompaniia QazTAG-qa qarsy «ıskerlık bedelıne nūqsan keltıru» baby boiynşa talap aryz tüsırgen.
Freedom Finance müddesın qorǧaǧan advokat Anton Kaminskii ıs materialdarynda jeke derekter, sondai-aq bank jäne qarjy qūpiiasyna qatysty mälımetter bar ekenın aitty. Onyŋ pıkırınşe, jurnalisterdıŋ sotqa qatysuy proseske qysym retınde baǧalanuy mümkın.
Al QazTAG ökılderı būǧan qarsylyq bıldırıp, sot prosesı aşyq ötuı tiıs ekenın jetkızdı. Olar eger qūpiia derekter bolsa, tek sol bölıgın ǧana jabyq formatta qarauǧa bolatynyn atap öttı. Basylymnyŋ advokaty Lena Jigalenok Freedom Finance şaǧymynda bank qūpiiasyna jatatyn naqty derek joq ekenın mälımdedı.
QazTAG direktory Äset Mataev ta prosestıŋ aşyqtyǧyn qoldap, jurnalisterdıŋ qatysuy maŋyzdy ekenın aitty. Onyŋ sözınşe, talap aryzda bastapqyda bank qūpiiasy turaly mäsele köterılmegen, al ıstı jabyq ötkızu bastamasy söz bostandyǧyn şekteu retınde qabyldanuy mümkın.
Iske onlain qatysqan advokat Svetlana Oralbaeva būl mäselenı sottyŋ qarauyna qaldyrdy.
Byltyr QazTAG YouTube arnasy men saitynda Freedom Finance kompaniiasyndaǧy «alaiaqtyq shemalardan zardap şekkender» turaly bırneşe material jariialaǧan. Basylym aqparat közı retınde advokat Svetlana Oralbaevany jäne özın zardap şekkender dep tanystyrǧan azamattardy ataǧan.
Freedom Finance būl jariialanymdardy negızsız ärı būrmalanǧan aiyptaular dep baǧalap, «ūiymdastyrylǧan PR-şabuyl» dep mälımdegen. Kompaniiany reseilık käsıpker, keiın Qazaqstan azamattyǧyn alǧan milliarder Timur Turlov basqarady. Forbes jurnaly onyŋ bailyǧyn 5,8 mlrd dollar dep baǧalaǧan.
Būǧan deiın QazTAG direktory Äset Mataev pen bas redaktory Ämır Qasenovke qatysty Freedom Finance şaǧymy negızınde Qylmystyq kodekstıŋ 274-baby («jalǧan aqparat taratu») boiynşa ıs qozǧalǧany habarlanǧan.
Sondai-aq aqpan aiynyŋ basynda QazTAG Freedom Finance-tıŋ būrynǧy top-menedjerı Temırlan Bekov tüsırgen talap aryz boiynşa sotta jeŋıske jetkenın mälımdegen. Bekov basylymda jariialanǧan materialdy şyndyqqa janaspaidy dep tanudy, ony öşırudı jäne moraldyq ötemaqy öndırudı sūraǧan. Alaida sot talap aryzdy tolyq qanaǧattandyrmai, Bekovten QazTAG ökılınıŋ şyǧyny retınde 20 myŋ teŋge öndıru turaly şeşım şyǧarǧan.
