Almatyda qūrylys salasynyŋ ökılderı Jaŋa Konstitusiia jobasyn jäne 15 nauryzda ötetın aldaǧy referendumdy qoldaityndaryn bıldırdı. Qalanyŋ ırı qūrylys kompaniialary özderınıŋ azamattyq ūstanymdaryn jariialap, eldıŋ odan ärı damuy üşın tūraqtylyqtyŋ, qūqyqtyq kepıldıkterdıŋ jäne jüielı reformalardyŋ maŋyzdylyǧyn atap öttı.
Alǧaşqylardyŋ bırı bolyp öz ūstanymyn BUTA GROUP kompaniiasy bıldırdı. Ūjym ökılderınıŋ aituynşa, ärbır tūrǧyn üi keşenınıŋ artynda myŋdaǧan jūmysşynyŋ eŋbegı tūr, al qūrylys salasy zaŋnamanyŋ tūraqtylyǧy men ekonomikalyq boljamdylyqqa tıkelei täueldı.
«Bız tek tūrǧyn üi emes, äleumettık senımdılıktı qalyptastyramyz. Memlekettık reformalar — būl jūmystyŋ jalǧasuyna, üilerdıŋ aiaqtaluyna jäne är azamattyŋ zaŋmen qorǧaluyna kepıldık beretın erejeler. Referendum — tynyştyq pen tärtıptı taŋdaudyŋ körınısı», — dep atap öttı kompaniia ökılderı.
RAMS QAZAQSTAN qūrylys kompaniiasynda da öz qyzmetterın qala men tūrǧyndar aldyndaǧy äleumettık jauapkerşılık retınde qarastyratynyn jetkızdı. Kompaniia ökılderınıŋ pıkırınşe, referendumǧa qatysu — är azamatqa memlekettıŋ bolaşaǧyn aiqyndaityn mäseleler boiynşa öz ūstanymyn bıldıruge mümkındık beredı.
«Eldıŋ damuy aşyq dialogqa, jauapkerşılıkke jäne bolaşaqty bırlesıp taŋdauǧa negızdeledı. Bız bügın salamyz — erteŋdı bırge qūramyz», — delıngen kompaniia mälımdemesınde.
Hayat Construction Group qūrylys kompaniiasynda da referendumdy qoldaityndaryn bıldırdı. Ūjym ökılderınıŋ pıkırınşe, Konstitusiiaǧa engızıletın özgerıster eldıŋ odan ärı damu baǧytyn aiqyndauda jäne memlekettık instituttardy nyǧaituda maŋyzdy qadam bolyp tabylady.
«Konstitusiialyq özgerıster memlekettıŋ damu strategiiasyn aiqyndaidy. Bız referendumǧa qatysudy azamattyq jauapkerşılıktıŋ körınısı retınde qoldaimyz», — deidı kompaniia ökılderı.
KazSMU qūrylys kompaniiasynda Negızgı zaŋnyŋ el üşın simvoldyq mänı erekşe ekenı atap ötıldı.
«Myqty memleket berık ırgetastan bastalady. Irgetas berık bolsa — bolaşaq ta tūraqty bolady. Bız tūraqtylyq pen damudy qoldaimyz», — dep mälımdedı ūjym ökılderı.
Dial Group jäne Saba Group kompaniialary da öz ūstanymdaryn bıldırdı. Kompaniia ökılderınıŋ aituynşa, Jaŋa Konstitusiia jobasy azamattardyŋ qūqyqtary men jauapkerşılıgın nyǧaituǧa, aşyq ärı ädılettı qoǧam qalyptastyruǧa baǧyttalǧan.
«Referendum — öz ūstanymyŋdy bıldıruge mümkındık. Bıreu üşın emes, bolaşaq üşın taŋdau jasau. Är dauystyŋ maŋyzy bar», — dep atap öttı biznes ökılderı.
Osylaişa, Almatynyŋ qūrylys qauymdastyǧy referendumǧa qatysu jäne Konstitusiiany jaŋartu ideiasyn qoldai otyryp, bırlıgın körsettı. Sala ökılderınıŋ aituynşa, biznes üşın aşyq ärı tüsınıktı erejeler, tūraqtylyq pen erteŋgı künge degen senımdılık maŋyzdy. Olardyŋ pıkırınşe, däl osy qaǧidattar jaŋa jūmys oryndaryn aşuǧa, jaŋa jobalardy jüzege asyruǧa jäne qala men eldıŋ tūraqty damuyna qolaily jaǧdai qalyptastyrady.
