Foto: oqu-aǧartu ministrlıgı
Qazaqstandyq mektep oquşylary Özbekstannyŋ Taşkent qalasynda ötken 58-şı halyqaralyq himiia olimpiadasynda (International Chemistry Olympiad, IChO 2026) joǧary nätije körsettı, dep habarlaidy "Adyrna".
Oqu-aǧartu ministrlıgınıŋ mälımetınşe, ūlttyq qūramanyŋ barlyq 4 müşesı jüldeger atanyp, el qorjynyna 1 altyn jäne 3 kümıs medal saldy.
Altyn medaldı Öskemen qalasyndaǧy Nazarbaev Ziiatkerlık mektebınıŋ (NIS) 11-synyp oquşysy Aizere Jenıshanova jeŋıp aldy.
Kümıs medal iegerlerı:
- Astana qalasy Nūra audanyndaǧy Nazarbaev Ziiatkerlık mektebınıŋ 11-synyp oquşysy Äbılmansūr Qali;
- Almaty qalasyndaǧy №134 liseidıŋ 11-synyp oquşysy Danil Poletaev;
- Astana qalasyndaǧy Spectrum International School mektebınıŋ 11-synyp oquşysy Ansar Jaqsylyqov.
Ūlttyq qūramany halyqaralyq jäne respublikalyq olimpiadalardyŋ jeŋımpazdary, KAIST universitetınıŋ studentı Sanjar Begdair jäne himiia men ekonomika magistrı Anuar Nūrtazin daiyndady.
Biylǧy olimpiadaǧa älemnıŋ 90-nan astam elınen 350-den astam daryndy oquşy qatysty. Qatysuşylar 5 saǧatqa sozylǧan teoriialyq jäne praktikalyq kezeŋderde kürdelı himiialyq esepterdı şyǧaryp, zerthanalyq jūmystar oryndady.
Halyqaralyq himiia olimpiadasy – mektep oquşylaryna arnalǧan älemdegı eŋ bedeldı 7 pändık olimpiadanyŋ bırı. Qazaqstan būl dodaǧa 1998 jyldan berı tūraqty qatysyp, jyl saiyn joǧary nätijelerge qol jetkızıp keledı.
Biylǧy jetıstık – elımızdegı daryndy jastardy qoldau, olimpiadalyq qozǧalysty jüielı damytu jäne pedagogterdıŋ käsıbi eŋbegınıŋ aiqyn nätijesı. Būl jeŋıs qazaqstandyq oquşylardyŋ halyqaralyq bılım dodalaryndaǧy tabysty jolyn jalǧastyryp otyr.
