Qazaqstan Respublikasy Parlamentı Mäjılısınıŋ deputaty, Qazaqstan Halyq partiiasy fraksiiasynyŋ jetekşısı Magerram Magerramov Konstitusiialyq reforma jönındegı komissiianyŋ 12-şı otyrysynda jaŋa Konstitusiia jobasynyŋ maŋyzdylyǧy turaly aityp, qūjattyŋ öŋırlerde keŋınen qoldau tapqanyn jetkızdı.
Deputat qūjatta «Ädılettı Qazaqstan» qaǧidatynyŋ aiqyndalǧanyn atap öttı.
«Qazaqstan Respublikasynyŋ jaŋa Konstitusiiasynyŋ jobasy alǧaş ret Preambula men jalpy erejeler deŋgeiınde memlekettık damudyŋ ırgelı baǧdary retınde «Ädılettı Qazaqstan» qūndylyǧyn belgıledı. Ädılettı Qazaqstan qaǧidaty Qazaqstan Halyq partiiasy tolyq qoldaityn äleumettık ädılettılıktı bıldıredı. Ädılettı Qazaqstan – «Zaŋ men Tärtıp» qaǧidatyn sözsız ūstanatyn el; teŋ mümkındıkter elı, kepıldendırılgen qūqyqtar men bostandyqtar elı», – dedı deputat.
Sondai-aq, ol tarihi sabaqtastyq pen ūlttyq qūndylyqtarǧa nazar audardy. Onyŋ aituynşa, jaŋa Konstitusiianyŋ Preambulasynda qoǧamdyq beibıtşılık pen ornyqty damudyŋ jalǧyz qolaily negızı retınde etnosaralyq jäne konfessiiaaralyq kelısımge aitarlyqtai köŋıl bölıngen. Onyŋ sözınşe, eŋbek etuge qūqyǧy turaly norma erekşe qoldau tapty.
İnstitusionaldyq özgerıster turaly aita kele, Magerramov memlekettık bilıktıŋ jaŋa qūrylymy jaiynda söz qozǧady. Bırpalataly Parlamenttı, «Halyq keŋesı» joǧary konsultativtık organyn qūru, sondai-aq Konstitusiia jobasynyŋ tübegeilı jaŋalyqtary jaŋa baǧdar beredı. Deputattyŋ aituynşa, qazır memleket tek prosesterdı basqaruǧa ǧana emes, azamattarǧa qyzmet etuge negızdelgen.
Magerramov jobanyŋ keŋınen qoldau tapqanyna toqtalyp, ony referendumǧa şyǧarudy ūsyndy.
«Men qazaqstandyqtardyŋ basym köpşılıgınıŋ jaŋa Konstitusiia jobasyn tolyq qoldaitynyn senımmen aita alamyn. Mūny tek Komissiianyŋ ǧana emes, sonymen qatar elımızdıŋ barlyq öŋırlerındegı jaŋa Konstitusiia jobasyn ärtürlı qoǧamdyq, äleumettık toptarmen, qoǧamdyq ūiymdarmen jäne eŋbek ūjymdarymen talqylau aiasynda kezdesulerdı ötkızgen Halyq partiiasy filialdarynyŋ jūmysyna bailanysty aityp otyrmyn»,– dedı ol.
Mäjılıs deputaty Qazaqstan Halyq partiiasynyŋ fraksiiasy tarapynan Parlament Mäjılısınde barlyq filialdarynyŋ, sarapşylardyŋ, ǧylymi jäne zaŋ qoǧamdastyǧy ökılderınıŋ, käsıpkerlerdıŋ, ükımettık emes ūiymdardyŋ qatysuymen keŋeitılgen otyrys ötkızılgenın atap öttı. Otyrysqa 100-ge juyq adam qatysyp, azamattar jaŋa Konstitusiia jobasyna bırauyzdan qoldau bıldırdı.
«Jaŋa Konstitusiianyŋ jobasy – ötken kezeŋ men bügıngı basymdyqtardy tüsıne otyryp, Qazaqstannyŋ bolaşaqtaǧy jaŋa baǧdary turaly şeşım qabyldaǧan halyqtyŋ bırlıgı men bırtūtastyǧynyŋ belgısı dep aituǧa bolady. Joǧaryda aitylǧandardy eskere otyryp, bız jaŋa Konstitusiianyŋ jobasyn jalpyhalyqtyq referendumǧa şyǧarudy ūsynamyz», – dep qorytyndylady sözın Magerram Magerramov.
