Aqtóbe oblysynda qyzyl kitapqa engen aǵashtar otynǵa kesilgen, dep habarlaıdy "Adyrna" portaly QR IIM TJK baspasóz qyzmetine siltep.
«7 qarashada Haziret aýylynyń mańynda tirkemesi bar eki traktor toqtatyldy. Aýyl sharýashylyǵy tehnıkalarynyń tirkemelerine Qazaqstannyń Qyzyl kitabyna engen jáne memleket qorǵaýynda turǵan sırek kezdesetin aǵashtardyń tıelgeni anyqtaldy», - dedi polıııa habarlamasynda.
53 jáne 56 jastaǵy eki aýyl turǵyny kólik júrgizgen. Aıtýlarynsha, ózen jaǵasyndaǵy aǵashtardy kesip, otynǵa paıdalanbaq bolǵan.
Qazaqstan Respýblıkasy Qylmystyq kodeksiniń 339-baby «Sırek kezdesetin jáne quryp ketý qaýpi tóngen túrlermen, sondaı-aq ósimdikter men janýarlardyń tyıym salynǵan túrlerimen, olardyń bólikterimen nemese derıvattarymen zańsyz aınalysý» babynyń 1-bóligi boıynsha qylmystyq is qozǵaldy. Tıisti saraptamalar taǵaıyndaldy», - delingen habarlamada.
