Orda qalǵan jan-janýarlar eriktiler kómegimen qutqaryldy

648
Adyrna.kz Telegram
Foto: Ǵanı Nazarbek paraqshasynan
Foto: Ǵanı Nazarbek paraqshasynan

Tabıǵat janashyry Ǵanı Nazarbek ákimdik jaýyp jatqan ordaǵy jan-janýarlardyń qutqarylyp jatqanyn jarııalady, dep habarlaıdy "Adyrna" ulttyq portaly.

"Tasbaqa" qorynyń eriktileriniń Túrkistan oblysyna ekspedıııasy toǵyz kúnge sozyldy.

Ekspedıııaǵa joba úılestirýshisi jáne «Tasbaqa» qorynyń jetekshisi Iýlııa Zaýgg, ekolog Vladımır Terentev, qoǵam qaıratkeri jáne «Syrdarııa-Túrkistan» tabıǵı saıabaǵynyń ǵylymı qyzmetkeri Ǵanı Nazarbek, sondaı-aq mal dárigeri Oleg Han qatysty.

Syrdarııa - Túrkistan MÓTP týrızm bólimi meńgerýshisi Facebook jelisindegi paraqshasynda janýarlardy qutqarý sátinen beıne jarııalady. Jazbada Otyrar aýdanyndaǵy ordy ákimshilik japtyryp jatqandyǵyn habarlaǵan. Ákimdiktiń josparyn estigen soń "Tasbaqa" qorynyń eriktileri men Syrdarııa-Túrkistan MÓTP qyzmetkerleri birlesip QR Qyzyl Kitabyna engen Keles kesirtkelerin orlardan shyǵarýǵa at salysqan.

"Transheıadan shyǵarǵan Keles kesirtkesin Qyzyqumǵa ákelip, jiberip jatyrmyz. Kesirtke ashýly. Tabıǵatta ómir súre berińiz endi", - delingen Ǵanı Nazarbek jarııalaǵan vıdeoda.

Otyrar aýdanyndaǵy transheıalardy salý tájirıbesi Qazaqstanda zańsyz, biraq eldiń ońtústiginde áli kúnge deıin jıi kezdesetini belgili boldy. Kezdesken shopandar zertteýshilerge keıde okopta maldyń da qyrylyp qalatynyn aıtty. Muny rastaý úshin ekspedıııa músheleri transheıalardan ólgen buzaýlardyń, qulyndardyń, qozylardyń jáne eresek aýylsharýashylyq janýarlarynyń qaldyqtaryn tapty.

Mamandar transheıadan barlyǵy 100-den astam janýardy qutqaryp, taǵy 50-den astamy óli tabyldy.

Aıta keteıik, Keles kesirtkesi ne Varanda dep atalatyn baýyrmen jorǵalaýshylar - kesirtkelerdiń ishindegi jyrtqyshtar tobyna jatady. Keles kesirtke Qazaqstannyń ońtústik óńirindegi Qyzylqum men Syrdarııa ózeniniń óń jaǵalaýyndaǵy shóldi aýmaqtarda kezdesedi, biraq sany az. Sondyqtan  Halyqaralyq tabıǵat qorǵaý odaǵynyń jáne 2008 jyly Qazaqstannyń Qyzyl kitabyna engen.

Pikirler