Resei Federasiiasynyŋ bailanys jäne būqaralyq kommunikasiialar salasyndaǧy qadaǧalau qyzmetı qazaqstandyq QazTAG saityna qatysty mälımdeme jasady, dep habarlaidy "Adyrna" ūlttyq portaly.
Roskomnadzor qazaqstandyq QazTAG aqparat agenttıgınıŋ saityn būǧattaudy talap ettı. Talap agenttık basşylaryna qatysty qozǧalǧan qylmystyq ıs turaly materialdarǧa bailanysty qoiylǧan.
Mälımetke säikes, Resei tarapy būl kontenttı avtorlyq jäne sabaqtas qūqyqtardy qorǧau şaralarymen bailanystyrǧan. Talap qazaqstandyq hosting-provaiderge joldanǧan. Alaida hosting kompaniiasy reseilık vedomstvonyŋ talabymen saitty būǧattamaǧany belgılı boldy.
Sondai-aq reseilık sot QazTAG-ty sot prosesı turaly resmi türde habardar etpegenı aityldy. Agenttık būl aqparatty saitqa qoljetımdılık mäselelerınıŋ sebebın anyqtau kezınde bılgen.
Osy jaǧdaiǧa bailanysty QazTAG Qazaqstannyŋ qūzyrly organdaryna – Bas prokuraturaǧa, ŪQK-ge jäne profildık ministrlıkterge sūrau joldaǧan. Agenttık Qazaqstan aumaǧyndaǧy internet-resurstardyŋ şeteldık talaptarǧa baǧynuy jäne aqparattyq egemendıktı qorǧau şaralary turaly tüsınıkteme sūraǧan.
Halyqaralyq ūiymdar men söz bostandyǧyn qorǧau qūrylymdary būl ıske alaŋdauşylyq bıldırgen.
