Pákistannyń Peshavar qalasynda meshitte bolǵan jarylys saldarynan mert bolǵan 100 adamnyń 97-si – kúsh qurylymdarynyń qyzmetkerleri. Bul týraly Pákistan Ishki ister mınıstrliginiń basshysy Rana Sanaýlla Ulttyq jıyn aldynda málimdedi, dep habarlaıdy “Adyrna” ulttyq portaly TASS agenttigine silteme jasap.
Aıta keteıik, Peshavar - Aýǵanstanmen shekaraǵa jaqyn Haıber-Pahtýnhva soltústik-batys provınııasy.
«Terakt saldarynan 97 polıeı men 3 qarapaıym azamat qaza tapty», - dedi Sanaýlla.
Peshavar qalasynda dúısenbi kúni bolǵan jarylystan mert bolǵandar sany 100-ge jetip, jaraqat alǵandar 200-den asty.
Ulttyq qaýipsizdik organy qyzmetkerleriniń aqparatyna sáıkes, jankeshti lańkes jarylǵysh zatty meshitke besin namazy kezinde iske qosqan. Sol sátte meshitte adam kóp bolǵan, onyń ishinde polıııa qyzmetkerleri men áskerıler bar.
Qazaqstan Prezıdenti Qasym-Jomart Toqaev Pákistan Prezıdenti Arıf Alvı men Premer-mınıstri Shahbaz Sharıfke kóńil aıtý jedelhatyn joldady.
Memleket basshysy Peshavar qalasyndaǵy meshitte bolǵan lańkestik áreket saldarynan kóptegen adamnyń qaza tapqany jáne zardap shekkeni týraly sýyt habardy tereń kúızelispen qabyl alǵanyn jetkizdi.
