Vetnam Qazaqstannyŋ turistık salasyna investisiia kölemın arttyruda. Almaty oblysynda ornalasqan Ak Bulak Village turistık keşenınıŋ qūrylysy vetnamdyq investorlardyŋ qatysuymen jüzege asyrylmaq. Būl turaly QR Ūlttyq ekonomika ministrlıgı Qazaqstan premer-ministrınıŋ orynbasary Serık Jūmanǧarin men Vetnam premer-ministrınıŋ orynbasary Nguen Hoa Bin arasyndaǧy kezdesude aityldy, dep habarlaidy “Adyrna”.
Ministrlıktıŋ mälımetınşe, Qazaqstan men Vetnam arasyndaǧy investisiialyq yntymaqtastyq jaŋa kezeŋge şyqty. Qazırgı uaqytta elımızde vetnamdyq kapitaldyŋ qatysuymen bırneşe joba ıske asyrylyp jatyr. Olardyŋ qatarynda Almaty oblysyndaǧy Ak Bulak Village turistık keşenınıŋ qūrylysy jäne Qonaev qalasyndaǧy «Arna» industriialyq aimaǧynda 90 mln AQŞ dollary kölemındegı investisiiamen azyq-tülık önımderın öndıretın zauyt salu jobasy bar.
Būǧan deiın būqaralyq aqparat qūraldary Almaty oblysyndaǧy biık tauly «Aq-Būlaq» kurortyn vetnamdyq Crystal Bay Group kompaniiasymen bırlesıp, elitalyq turistık ortalyqqa ainaldyru josparlanyp otyrǧanyn habarlaǧan bolatyn. Joba aiasynda kurort aumaǧynda kazinosy bar aimaq qūru közdelgen.
Osy maqsatta öŋır äkımdıgı jaŋa oiyn aimaǧynyŋ şekarasyn belgıleu jūmystaryn jürgızıp jatyr. Sonymen qatar, 2025 jyldyŋ qaraşa aiynda «Aq-Būlaq» turistık ortalyǧyn şetel azamattary üşın qūmar oiyndarǧa rūqsat etılgen aumaqtar tızımıne engızudı közdeitın zaŋ jobasy qarastyrylǧan.
2022 jyldyŋ tamyz aiynda sol kezdegı Syrtqy ıster ministrı Mūhtar Tıleuberdı Vetnamǧa resmi sapary barysynda Qazaqstanǧa investisiia saluǧa müddelı bırqatar kompaniia basşylarymen kezdesken. Sol kezdesulerdıŋ bırı Crystal Bay Group direktorlar keŋesınıŋ töraǧasy Nguen Dyk Chimen ötken. Kezdesu barysynda turizm salasyndaǧy yntymaqtastyq mümkındıkterı talqylanǧan.
2025 jyldyŋ mamyr aiynda Almaty oblysynyŋ äkımdıgı vetnamdyq Crystal Bay Group jäne «Kipros» kompaniiasymen yntymaqtastyq turaly memorandumǧa qol qoidy. «Kipros» kompaniiasynyŋ jalǧyz iesı – käsıpker Timur Qūlybaev. Ol Forbes nūsqasy boiynşa 5,3 mlrd AQŞ dollary kölemındegı bailyǧymen Qazaqstandaǧy eŋ bai adamdardyŋ alǧaşqy bestıgıne kıredı.
Memorandum Ile Alatauynyŋ etegındegı Aq-Būlaq şatqalynda zamanaui turistık nysan saludy közdeidı. Qazırgı taŋda būl aumaqta kurorttyq qonaqüi, qysqy mausymda ärtürlı deŋgeidegı şaŋǧy trassalary, al jaz mezgılınde atpen seruendeu, jaiau turistık baǧyttar jäne özge de demalys türlerı jūmys ısteidı.
Jaŋa kurort qūrylysynyŋ jalpy qūny 46,5 mln AQŞ dollaryna baǧalanǧan. İnvestisiianyŋ 80 paiyzyn Crystal Bay Group, al 20 paiyzyn «Kipros» kompaniiasy qarjylandyrady. Joba aiasynda golf-klub salu, qonaqüi keşenın keŋeitu, saiajai men taunhaustar tūrǧyzu, sondai-aq jyl boiy turist qabyldai alatyn rekreasiialyq aimaq qūru josparlanǧan. Sonymen qatar, oiyn biznesıne arnalǧan arnaiy aumaq ta qarastyrylǧan.
