Öŋırde Qaraǧandy oblysynyŋ prokuraturasy bastamaşy bolǧan «Taza Senım» jobasy ıske qosyldy. Joba «Qūqyqtyq tärtıp ärkımnen bastalady» qaǧidaty aiasynda jüzege asyryluda. Būl bastama azamattardyŋ ötınışterın qarau sapasyn arttyruǧa baǧyttalǧan jäne ıske tartylǧan memlekettık organdarǧa ädıstemelık kömek körsetudı közdeitın praktikalyq sipatqa ie.
Pilottyq jobaǧa bes memlekettık organ qatysuda: polisiia, Memlekettık kırıster departamentı, ädılet organdary, bılım beru jäne densaulyq saqtau basqarmalary. Jobanyŋ üilestıruşısı retınde Qaraǧandy oblysy boiynşa Qūqyqtyq statistika jäne arnaiy esepke alu komitetı departamentı aiqyndaldy. Sonymen qatar jobany qoldauǧa prokuratura, qūqyqtyq statistika organdary, äkımdık, memlekettık qyzmet, deputattar jäne Käsıpkerler palatasy tartyldy.
Joba aiasynda oqytu ıs-şaralaryn ötkızu, vedomstvoaralyq özara ıs-qimyldy damytu jäne azamattardyŋ ötınışterın qarau barysynyŋ serpının ai saiyn taldau közdelgen.
Jobanyŋ negızgı maqsaty – halyqtyŋ ötınışterımen jūmys ısteu sapasyn arttyru jäne azamattardyŋ memlekettık organdarǧa degen senımın nyǧaitu.
