28 naýryzǵa qaraǵan túni Pavlodar munaı-hımııa zaýytynda órt shyǵyp eki qyzmetker kúıip qaldy. Bul týraly Oblystyq tótenshe jaǵdaılar departamenti málimdedi, dep habarlaıdy “Adyrna”.
Málimet boıynsha, órt 50 sharshy metr aýmaqqa jaıylǵan. 1989 jáne 1982 jyldary týǵan eki qyzmetker kúıik aldy. Dárigerler alǵashqy medıınalyq kómek kórsetip, aýrýhanaǵa jatqyzý qajettiligi bolmady.
Sonymen qatar, departamenttiń málimetinshe, tógilgen suıyqtyq tutanyp, tolyǵymen janyp ketken. Zaýyt jabdyǵyna zaqym kelmegen.
Órt saǵat 23:40-ta bastalǵan. Alǵashqy bolyp zaýyttyń órt sóndirý qyzmetkerleri tilsiz jaýmen kúrese bastady, keıinnen olarǵa qalalyq órt sóndirý jasaqtary qosyldy. Olar qaıta tutanýdyń aldyn alý úshin qondyrǵylardy salqyndatty.
