Pavlodarda jeke sot oryndauşylar kepıldıkke qoiylǧan 40 üidı bır ǧana adamǧa satqan. Ärı naryqtaǧy baǧadan 5 ese arzanǧa saudalaǧan, dep habalaidy “Adyrna” ūlttyq portaly astanatv.kz-ke sılteme jasap.
Baspanasynan aiyrylyp qalǧandar būǧan küdıkpen qaraidy. Mūnyŋ artynda ūiymdasqan qylmystyq top tūr deidı. Üiınıŋ auksionǧa qoiylǧanyn tıptı üi iesı de bılmei qalǧan jaǧdailar kezdesken.
Aqylbek Sılämov būrynǧy üiınde 17 jyl tūrǧan. Baspanany nesiege satyp alyp, negızgı qaryzdy tölegen. Alaida, 5 mln teŋge bereşek qalǧan kezde qarjylyq qiyndyq tuyndap, tölei almapty. Osy kezde jeke sot oryndauşylar üidı nebärı 5 mln teŋgege baǧalap, satyp jıbergen.
«Bız auksionnyŋ ötkenın de bılmei qaldyq. Sot oryndauşysy kelıp, üidı bosatyŋyzdar degende ǧana bıldık. Kudienko degen azamatqa 5 mln. teŋgege satyp jıberıptı. Al, būl üidıŋ naryqtaǧy baǧasy 25-35 mln teŋge tūrady», – deidı Pavlodar qalasynyŋ tūrǧyny Aqylbek Sılämov.Basyndaǧy baspanasynan aiyrylǧan tūrǧyndar üilerınıŋ tym arzanǧa satylǧanyna qarsy. Aitularynşa, 40 päterdı tek bır ǧana adam satyp alǧan. Zardap şeguşıler būl ıstıŋ artynda ūiymdasqan qylmystyq top tūrǧanyna senımdı.
«Mysaly, menıŋ päterım 12 mln teŋgeden tūrǧan kezde 2 jyl būryn 4 mln-ǧa satyp alǧan. Bır azamat 30-40 päterdı satyp alady menşıkke. Ärı qarai özı satady. Ol mümkın be, qazırgı jaǧdaida? Ol mümkın emes, qazırgı jaǧdaida. Ol mümkın – sybailastyq bolsa», – dedı Pavlodar qalasynyŋ tūrǧyny Erlan Jakeev.Auksionǧa qoiylǧan baspanalar naryqtaǧy baǧadan 5 esege arzan satylǧan. Al zaŋ boiynşa üidıŋ baǧasyn tek 25 paiyzǧa ǧana tüsıruge rūqsat berılıptı.
«Satylymǧa şyǧarylǧan mülıktıŋ baǧasy aldymen ösedı. Al, ekı märte satyp aluşy bolmasa, onda tüse bastaidy. Bıraq naryqtaǧy qūnynan 25 paiyzǧa ǧana arzan satyluy kerek. Äkımşılık ıstı qaraǧan kezde satyp aluşynynyŋ bırneşe auksionǧa qatysqan kezderı boldy. Zaŋda oǧan şekteu joq», – dedı Pavlodar oblystyq mamandandyrylǧan audanaralyq äkımşılık sotynyŋ sudiasy Gülmira Jüsıpova.Jeke sot oryndauşylardyŋ öŋırlık palatasy būl mäselege qatysty qandai da bır aqparat beruge qūlyqsyz. Amaly tausylǧan tūrǧyndar taǧy da sottaspaq niette. Al odan nätije bolmasa, bas qaladan ädıldık ızdeuge bekınıp otyr.
”Adyrna” ūlttyq portaly
Ūqsas jaŋalyqtar
