Túrkııanyń Muǵla provınııasynda aýa raıynyń aptap ystyǵyna baılanysty alapat órt shyqty. Órttiń kúshti bolǵany sonshalyqty, qalyń nýly ormandardy jaıpap, jaǵajaıdaǵy demalys oryndaryna da jetti.
Mamandar órttiń shyǵý sebebi elektr transformatorynyń aqaýynan bolǵan dep boljam jasap otyr. Ekinshi sebebi, órtti qoldan qasaqana jasady degen derekter de bar. Órt saldarynan jaǵajaıda demalyp jatqan týrıstterdiń de zarbap shekkeni jaıynda aqparattyr shyqty. Qaıtys bolǵan adamdardyń da deregi tirkeldi. Jaǵajaıda ornalasqan keıbir ıahtalar men katerler de órtenip ketken.
Aýa raıyn boljaýshy mamandar aldaǵy ýaqyttarda aýa raıynyń aptap ystyǵy jalǵasady dep boljaýda. Soǵan baılanysty qazir el úkimeti jedel qaýipsizdik sharalaryna kiristi.
Qazirgi málimetter boıynsha Túrkııada 2000 gekter alqaptaǵy ormandar joıylyp ketken. Órttiń sharpyǵan aýmaǵy 4 esege deıin ulǵaıǵan.
Osy tabıǵı apatqa baılanysty QR SIM resmı aqparat berdi. Mınıstrliktiń aıtýynsha, Túrkııada órtten zardap shekken Qazaqstan azamattary joq.
Bekbolat QARJAN,
"Adyrna" ulttyq portaly
