Shymkenttegi mekteptiń bir basketbol dobyn - 232 myń teńgege, voleıbol dobyn 42 myń teńgege satyp almaq bolǵany habarlandy. Bul týraly Sybaılas jemqorlyqqa qarsy is-qımyl agenttigi Shymkent qalasy boıynsha departamentiniń basshysy Dáýren Erǵarın Facebook paraqshasynda jazdy, dep habarlaıdy “Adyrna” ulttyq portaly.
Jazba boıynsha, Shymkenttiń Sybaılas jemqorlyqqa qarsy qyzmeti bul satyp alýdyń aldyn alyp, bıýdjettiń 2,2 mln teńgeden astam qarajatyn únemdep qalǵan.
"Qalalyq bilim basqarmasynyń «№90 daryndy balalarǵa arnalǵan mamandandyrylǵan mektep-gımnazııasy» KMM memlekettik satyp alý josparynda 2,7 mln bıýdjet qarajatyna 20 dop alýdy bekitken. Taýardyń árbir birligi 2-den 10 esege deıin asyra baǵalanyp eseptelgen. Memlekettik mekeme basketbol dobyn - 232 myń teńgege, al voleıbol dobyn 42 myń teńgege satyp alýdy josparlaǵan, – dep jazdy Erǵarın.
Departament memlekettik satyp alýdy uıymdastyrýshynyń atyna jospardyń tarmaǵyn qaıta qaraý týraly usynys hat joldady. Nátıjesinde 2,2 mln teńgeden astam qarjy únemdelgen.
