Bırıkken Arab Ämırlıkterınıŋ Şardja qalasynda ekı qazaqstandyq äiel köz jūmdy, dep habarlaidy «Adyrna» tılşısı.
Syrtqy ıster ministrlıgı Aqjan men Jūldyz Bohanovalardyŋ tuǧan-tuystary men jaqyndaryna köŋıl aityp, Dubaidaǧy qazaqstandyq diplomattardyŋ olardyŋ otbasyna kömek körsetıp jatqanyn mälımdedı.
«Qazaqstannyŋ Dubai qalasyndaǧy Bas konsuldyǧy barlyq qajettı konsuldyq-qūqyqtyq qoldau körsetude. Onyŋ ışınde qūjattardy räsımdeuge jäne azamattardyŋ qaza bolu män-jaiyna bailanysty BAÄ-nıŋ qūzyrly organdarymen özara ıs-qimyl jasauǧa järdem berılude. Qazaqstan azamattarynyŋ qaza bolu sebepterın BAÄ-nıŋ tiıstı organdary anyqtap jatyr», – delıngen habarlamada.
Tergeu müddesıne bailanysty özge mälımetter jariialanǧan joq.
Marqūmdardyŋ jaqyndarynyŋ mälımetınşe, 2004 jäne 2006 jyly düniege kelgen ekı boijetken Şardja qalasynda eŋbek etken. Olar tamyz aiynyŋ soŋynda nemese qyrküiek aiynyŋ basynda elge oralmaq bolǧan. Alaida şamamen bır apta būryn qyzdar tuystarymen bailanysqa şyqpai qalǧan.
