Qazaqstannyŋ aviasiialyq äkımşılıgı qazaqstandyq äue kompaniialaryna İran aumaǧynyŋ üstımen, sondai-aq onyŋ äue keŋıstıgıne jaqyn aimaqtar arqyly reister oryndauǧa uaqytşa tyiym engızdı, dep habarlaidy "Adyrna" ūlttyq portaly.
Şeşım öŋırdegı ūşu qauıpsızdıgıne töngen qaterdıŋ artuyna bailanysty qabyldanǧan. Äkımşılık mälımetınşe, qabyldanǧan şaralar aldyn alu sipatynda jäne jolauşylar men äue kemelerı ekipajynyŋ qauıpsızdıgın qamtamasyz etuge baǧyttalǧan.
Qazırgı taŋda qazaqstandyq äue kompaniialardyŋ barlyq reisterı yqtimal qauıptı aimaqtardy ainalyp ötu arqyly jüzege asyrylyp jatyr.
«Jaǧdai Qazaqstannyŋ Aviasiialyq äkımşılıgınıŋ tūraqty baqylauynda. Qauıp deŋgeiınıŋ özgeruıne qarai qosymşa şeşımder qabyldanady», — delıngen resmi habarlamada.
Tiıstı būiryq äkımşılıktıŋ resmi saitynda jariialanǧan. Şekteu merzımı naqty belgılenbegen jäne arnaiy şeşım şyqqanǧa deiın küşınde bolady.
Būǧan deiın İran bilıgı eldıŋ äue keŋıstıgınde tömen biıktıkte oryndalatyn barlyq ūşularǧa üş ai merzımge tyiym salǧan. Būl turaly halyqaralyq NOTAM habarlamasynda aitylǧan.
Qūjatqa säikes, elde vizualdy ūşu erejelerı (VFR) boiynşa oryndalatyn barlyq reister toqtatylǧan.
Sonymen qatar, Europalyq aviasiialyq qauıpsızdık agenttıgı aviakompaniialarǧa İrannyŋ äue keŋıstıgın barlyq biıktıkterde paidalanbauǧa keŋes berdı. Agenttık mälımetınşe, AQŞ tarapynan yqtimal äskeri äreketter qaupıne bailanysty İrannyŋ äue şabuylyna qarsy qorǧanys jüielerı joǧary daiyndyq rejimıne köşken.
