Qytai ūlttyq densaulyq saqtau komissiiasy 11 aqpanda elde koronavirustan qaza bolǧandar sany 1016 adam bolǧanyn mälımdedı. Virus jūqtyrǧandar sany 42 638 adamǧa jetkenın mälımdedı. Qytaidan bölek älemnıŋ 24 elınde 319 koronavirus tırkelgen.
Qytai bilıgı virus oşaǧy Hubei provinsiiasynda 11 aqpanda 103 adam ölıp, 2097 adam virus jūqtyrǧanyn habarlady.
Düniejüzılık densaulyq saqtau ūiymy (DDSŪ) 11 aqpanda Qytaida taraǧan būl virusqa resmi atau berıp, COVID-19 dep atady.
VVS saitynyŋ jazuynşa, koronavirustan qaza bolǧandar sany myŋnan asqan tūsta Pekin «virustyŋ taraluyn toqtata almady» dep bırneşe şeneunıktı qyzmetınen alǧan. Olardyŋ arasynda Hubei provinsiiasyndaǧy densaulyq saqtau boiynşa partiia komissiiasynyŋ hatşysy jäne komissiia töraǧasy bar. Būdan bölek, jergılıktı Qyzyl krest ūiymy basşysynyŋ orynbasary «mındetın atqara almady» dep ornynan alyndy. Kommunistık partiianyŋ Hubeidegı ökılderı de qyzmetten ketken.
DDSŪ virustyŋ Qytaida bolmaǧan adamdardan da tabyluy «jaǧdaidy uşyqtyryp jıberuı mümkın» dep qauıptenedı. Ūiym «älem elderı epidemiianyŋ jappai taralyp ketuıne jol bermeuı tiıs» dep sanaidy.
Qazır älem elderı Qytaida qalǧan azamattaryn jappai şyǧaryp jatyr. Aqpannyŋ 11-ıne qaraǧan tünı Qazaqstannyŋ 217 azamaty Qytaidaǧy koronavirusqa bailanysty sol eldegı 36 qaladan Pekin arqyly elge jetkızıldı. Syrtqy ıster ministrlıgınıŋ habarlauynşa, Qytaidan Qazaqstannyŋ taǧy 150 azamatyn elge äkelu josparlanyp otyr. Al jüzdegen qazaqstandyqtyŋ öz erkımen Qytaida qaluǧa tılek bıldırgenın aitty.
- Olardyŋ arasynda diplomatiialyq qyzmetşıler, olardyŋ otbasy müşelerı, studentter men Qytaida jūmys ıstep jatqan özge de azamattarymyz bar. Qytaidyŋ özge qalalary karantinge jabylǧan joq, sondyqtan bızdıŋ azamattar üşınşı el arqyly Qazaqstanǧa qaita alady, - dep mälımdedı ministrlık ökılı Aibek Smadiiarov.
Sİ SZİNPİNNIŊ AITQANY
Japoniianyŋ Iokogama qalasyndaǧy portta tūrǧan kemede 135 adam koronavirus jūqtyrǧany mälım boldy. Osydan on şaqty kün būryn Diamond Princess kruiz kemesınde ekı adamnyŋ koronavirus jūqtyrǧany anyqtalǧan. Diamond Princess sodan keiın karantinge jabylǧan. Kruizde virus jūqtyrǧandardyŋ ekeuı - Ukraina azamaty. 25 jastaǧy er men 37 jastaǧy äiel kemenıŋ ashanasynda jūmys ıstegen. Jalpy Diamond Princess ışınde Ukrainanyŋ 25 azamaty bolǧan.
Soŋǧy künderı jūrt aldyna şyǧudy azaitqan Qytai basşysy Si Szinpin 10 aqpanda Pekindegı koronavirus jūqtyrǧandar jatqan auruhanaǧa bardy. Ol koronavirusty «el ekonomikasy men Qytaidyŋ bilık jüiesıne synaq» ärı «öte auyr jaǧdai» dedı. Si Szinpin koronavirustyŋ taraluyn toqtatu üşın «naqty qadamdar» jasauǧa şaqyrdy. Qytai basşysynyŋ auruhanaǧa barǧan sätın memlekettık SSTV arnasy körsettı.
Qytaidyŋ memlekettık basylymdary jūrtty sabyrǧa şaqyryp jatyr. 10 aqpanda memlekettık «People’s Daily» gazetı halyqty viruspen «köterıŋkı köŋıl küimen» küresuge şaqyrdy.
10 aqpanda Pekinge koronavirusty zertteu üşın DDSŪ sarapşylary keldı. Būl komandaǧa Brius Eilvard (2014-2016 jyly Batys Afrikada taraǧan Ebola dertı boiynşa komissiiany basqarǧan) jetekşılık etedı.
DDSŪ qazır älemde koronavirusty anyqtaityn 168 zerthana baryn mälımdedı.
Virus 2019 jyldyŋ soŋynda Uhandaǧy teŋız önımderı bazarynan taraǧan. Keibır aqparat qūraldarynyŋ jazuynşa, bazar 1 qaŋtarda jabylǧanǧa deiın onda teŋız önımderı ǧana emes, jarqanat, tauyq, qoian men jylan zaŋsyz saudalanyp kelgen. 22 qaŋtar künı «Medisinalyq virusologiia» jurnalynda zertteu jariialaǧan ǧalymdar «virustyŋ jylannan taraǧanyn» jazdy. Mūny rastaityn ne joqqa şyǧaratyn zertteuler älı jariialanbady.
30 qaŋtarda DDSŪ koronavirusqa bailanysty halyqaralyq deŋgeide tötenşe jaǧdai jariialaǧan.
"Azattyq" radiosy
Ūqsas jaŋalyqtar
qytai
densaulyq
virus
koronavirus
karantin
ındet
dert
mälımet
medisinalyq qyzmet
bılıktılık
virusologiia
