Qytaı ulttyq densaýlyq saqtaý komıssııasy 11 aqpanda elde koronavırýstan qaza bolǵandar sany 1016 adam bolǵanyn málimdedi. Vırýs juqtyrǵandar sany 42 638 adamǵa jetkenin málimdedi. Qytaıdan bólek álemniń 24 elinde 319 koronavırýs tirkelgen.
Qytaı bıligi vırýs oshaǵy Hýbeı provınııasynda 11 aqpanda 103 adam ólip, 2097 adam vırýs juqtyrǵanyn habarlady.
Dúnıejúzilik densaýlyq saqtaý uıymy (DDSU) 11 aqpanda Qytaıda taraǵan bul vırýsqa resmı ataý berip, COVID-19 dep atady.
VVS saıtynyń jazýynsha, koronavırýstan qaza bolǵandar sany myńnan asqan tusta Pekın «vırýstyń taralýyn toqtata almady» dep birneshe sheneýnikti qyzmetinen alǵan. Olardyń arasynda Hýbeı provınııasyndaǵy densaýlyq saqtaý boıynsha partııa komıssııasynyń hatshysy jáne komıssııa tóraǵasy bar. Budan bólek, jergilikti Qyzyl krest uıymy basshysynyń orynbasary «mindetin atqara almady» dep ornynan alyndy. Kommýnıstik partııanyń Hýbeıdegi ókilderi de qyzmetten ketken.
DDSU vırýstyń Qytaıda bolmaǵan adamdardan da tabylýy «jaǵdaıdy ýshyqtyryp jiberýi múmkin» dep qaýiptenedi. Uıym «álem elderi epıdemııanyń jappaı taralyp ketýine jol bermeýi tıis» dep sanaıdy.
Qazir álem elderi Qytaıda qalǵan azamattaryn jappaı shyǵaryp jatyr. Aqpannyń 11-ine qaraǵan túni Qazaqstannyń 217 azamaty Qytaıdaǵy koronavırýsqa baılanysty sol eldegi 36 qaladan Pekın arqyly elge jetkizildi. Syrtqy ister mınıstrliginiń habarlaýynsha, Qytaıdan Qazaqstannyń taǵy 150 azamatyn elge ákelý josparlanyp otyr. Al júzdegen qazaqstandyqtyń óz erkimen Qytaıda qalýǵa tilek bildirgenin aıtty.
- Olardyń arasynda dıplomatııalyq qyzmetshiler, olardyń otbasy músheleri, stýdentter men Qytaıda jumys istep jatqan ózge de azamattarymyz bar. Qytaıdyń ózge qalalary karantınge jabylǵan joq, sondyqtan bizdiń azamattar úshinshi el arqyly Qazaqstanǵa qaıta alady, - dep málimdedi mınıstrlik ókili Aıbek Smadııarov.
SI ZINPINNIŃ AITQANY
Japonııanyń Iokogama qalasyndaǵy portta turǵan kemede 135 adam koronavırýs juqtyrǵany málim boldy. Osydan on shaqty kún buryn Diamond Princess krýız kemesinde eki adamnyń koronavırýs juqtyrǵany anyqtalǵan. Diamond Princess sodan keıin karantınge jabylǵan. Krýızde vırýs juqtyrǵandardyń ekeýi - Ýkraına azamaty. 25 jastaǵy er men 37 jastaǵy áıel kemeniń ashanasynda jumys istegen. Jalpy Diamond Princess ishinde Ýkraınanyń 25 azamaty bolǵan.
Sońǵy kúnderi jurt aldyna shyǵýdy azaıtqan Qytaı basshysy Sı zınpın 10 aqpanda Pekındegi koronavırýs juqtyrǵandar jatqan aýrýhanaǵa bardy. Ol koronavırýsty «el ekonomıkasy men Qytaıdyń bılik júıesine synaq» ári «óte aýyr jaǵdaı» dedi. Sı zınpın koronavırýstyń taralýyn toqtatý úshin «naqty qadamdar» jasaýǵa shaqyrdy. Qytaı basshysynyń aýrýhanaǵa barǵan sátin memlekettik SSTV arnasy kórsetti.
Qytaıdyń memlekettik basylymdary jurtty sabyrǵa shaqyryp jatyr. 10 aqpanda memlekettik «People’s Daily» gazeti halyqty vırýspen «kóterińki kóńil kúımen» kúresýge shaqyrdy.
10 aqpanda Pekınge koronavırýsty zertteý úshin DDSU sarapshylary keldi. Bul komandaǵa Brıýs Eılvard (2014-2016 jyly Batys Afrıkada taraǵan Ebola derti boıynsha komıssııany basqarǵan) jetekshilik etedi.
DDSU qazir álemde koronavırýsty anyqtaıtyn 168 zerthana baryn málimdedi.
Vırýs 2019 jyldyń sońynda Ýhandaǵy teńiz ónimderi bazarynan taraǵan. Keıbir aqparat quraldarynyń jazýynsha, bazar 1 qańtarda jabylǵanǵa deıin onda teńiz ónimderi ǵana emes, jarqanat, taýyq, qoıan men jylan zańsyz saýdalanyp kelgen. 22 qańtar kúni «Medıınalyq vırýsologııa» jýrnalynda zertteý jarııalaǵan ǵalymdar «vırýstyń jylannan taraǵanyn» jazdy. Muny rastaıtyn ne joqqa shyǵaratyn zertteýler áli jarııalanbady.
30 qańtarda DDSU koronavırýsqa baılanysty halyqaralyq deńgeıde tótenshe jaǵdaı jarııalaǵan.
"Azattyq" radıosy
