Eks-prezıdent Nursultan Nazarbaevtyń qyzy Álııa Nazarbaeva reıderlik shabýyl jasady dep aıyptalǵan qylmystyq is Almatynyń ekonomıkalyq tergeý departamentine berildi. Sol arqyly prokýratýra Nazarbaevaǵa qarsy sotqa deıingi tergeý júrgizýden bas tartý týraly” polıııanyń sheshimin joıdy, dep habarlaıdy “Adyrna” ulttyq portaly QazTAG-qa siltep.
"Prokýratýra polıııanyń Álııa Nazarbaevaǵa qatysty qylmystyq is qozǵaýdan bas tartý týraly sheshimin buzyp, materıaldardy Almaty qalasy boıynsha ekonomıkalyq tergeý departamentine berdi. Bizdiń kompanııa "Álem LTD" JShS esepshotyna qarjylaı kómek túrinde qarajat aýdardy. Bul Luxor kesheniniń (Wellness Club Luxor fıtnes-ortalyǵy) ishinara bizdiń qarajat esebinen salynǵanyn kórsetedi, onyń merdigeri Qaırat Orazbekov basqaratyn "Elıtstroı" kompanııasy boldy", – dedi Bımýrzın baspasóz máslıhatynda.
Jábirlenýshiler Luxor-dy qamaýǵa alýdy talap etedi.
"Al bolashaqta quqyqtyq tártipke sáıkes, biz materıaldyq shyǵyndarymyzdyń esebin talap etemiz. Óıtkeni bul – 20 jyldaǵy kórmegen paıda, birneshe ınflıaııa, devalvaııa, materıaldyq qundylyqtarymyz ben moraldyq azaptarymyzdy óteý. Biz osy keshendi bizge berýdi talap etemiz. Bul keshen bizge berilsin, biz ony rıeltorlar aıtqandaı 25 mıllıon dollarǵa satamyz. Al qarajattyń bir bóligin sý tasqynyna qarsy kúreske, zardap shekken halyqqa kómektesýge baǵyttaımyz. Meniń oıymsha, qoǵam bizdi osymen qoldaıdy", – dedi spıker.
Ol sondaı-aq konstıtýııalyq keńestiń burynǵy tóraǵasy Igor Rogovtyń áıeli Valentına Rogovanyń jábirlenýshiler "bopsalaýmen" aınalysady degen málimdemesin naqtylaýy kerek ekenin aıtty.
"25 naýryzdan bastap, dálirek aıtsaq, týǵan kúnimnen beri Meǵdat Qalıev ekeýmizge ınternet arqyly qoqan-loqy kórsetken qońyraýlar túsip jatyr. Olar kóshege shyǵyp, qoǵamda bultartpas dálelder kórsetýimizdi toqtatýdy talap etti. Bıyl18 sáýirinde Qalıev ekeýmizge Astananyń polıııa qyzmetkeri Erzak telefon soǵyp, jaýap alýǵa kelińder dedi. Onyń shalǵan qońyraýy telefonymda áli saqtalyp tur. Iaǵnı, Qalıev ekeýmiz Álııa Nazarbaevanyń reıderlik shabýylyna baılanysty eki aıdan astam ýaqyt boıy aryz jazyp, shaǵymdanyp kelemiz, al ol jaýapqa shaqyrylmaǵan. Kórdińiz be, Álııa Nazarbaeva advokaty arqyly aryz jazyp, bizdi dereý jaýapqa shaqyrdy. Negizinde bul – jala jabý. Birinshiden, shyndyq bizdiń jaǵymyzda bolsa, biz nege aýzymyzdy jabýymyz kerek? Ekinshiden, 20 jyl boıy jınap kele jatqan qaǵaz júzindegi dáleldemelik negizderimiz bola tura, biz qalaı jala jabamyz? Bizde aıǵaqtardyń dáleldi bazasy bar. Sonymen qatar dáleldemeler bazasynda bizde prezıdenttik qaýipsizdik qyzmetiniń burynǵy qyzmetkeriniń de aıǵaqtary bar", – dedi Bımýrzın.
Sondaı-aq baspasóz máslıhatynda jábirlenýshi taraptyń aıtýynsha, qazir quny 25 mıllıon dollar turatyn Luxor fıtnes-ortalyǵyn Vırgın aralyndaǵy offshorlyq kompanııaǵa 10 myń dollarǵa berý mámilesiniń jalǵan ekenin dáleldeıtin qujattar usynyldy. Onyń ústine mámile jasalǵan kezde almatylyq kompanııanyń jarǵylyq kapıtaly 2 mıllıard dollarǵa baǵalanǵany atalyp ótti.
Jábirlenýshiler bul jaǵdaıda sóz Qazaqstannan kapıtaldy shyǵarý shemasy týraly bolyp jatyr dep esepteıdi.
Eske salsaq, 2024 jyldyń 28 aqpanynda "Azııa TPK" JShS quryltaıshysy Nurlan Bımýrzın seriktesi Meǵdat Qalıev ekeýi Nazarbaeva men Rogovanyń reıderlik shabýylynyń qurbany bolǵanyn málimdegen edi.
"2003 jyly Nazarbaeva óz yqpalyn paıdalana otyryp, quny 170 mıllıon dollar bolatyn (2003 jylǵy esep boıynsha) jeti munaı bazasy men 96 janarmaı quıý beketinen turatyn operaııalyq kásiporyndy basyp aldy. Ol burynǵy ıelerin túrmege qamatyp, dene jaraqatyn salamyn dep qorqytty. Onyń qoqan-loqysy senimdi bolý úshin, ol kúndiz Almatynyń ortalyǵyndaǵy kásip ıeleriniń biriniń ákesin ashyqtan-ashyq urlap ketken jáne kýágerlerdiń aıtýynsha, urlaýǵa quqyq qorǵaý qyzmetkerleriniń qatysy bolýy múmkin", –degen edi buǵan deıin kásipkerler.
14 naýryzda bas prokýratýra Nazarbaeva tarapynan reıderlik jasalǵany týraly aryzdy tirkegenin habarlady. Alaıda 5 sáýirde polıııa eks-prezıdenttiń kishi qyzyna qarsy qylmystyq is qozǵaýdan bas tartqany anyqtaldy.
21 sáýirde Nazarbaevanyń balasy Wellness Club LUXOR fıtnes-ortalyǵyn 25 mln dollarǵa satqysy keletinin habarlady.
Aıta keteıik, sońǵy aılarda eks-basshynyń kishi qyzy Álııa Nazarbaevaǵa aıtarlyqtaı aýyr aıyptar taǵyldy, biraq olardyń eshqaısysy qylmystyq iske ulaspady. Áli kúnge deıin eks-prezıdent pen onyń týystary «qolsuǵylmaýshylyq» quqyǵyna ıe.
Qańtar oqıǵasynan keıin Memleket basshysy Qasym-Jomart Toqaev eldiń «jańa Qazaqstanǵa» aıaq basqanyn málimdegen edi. Sodan beri biraz ýaqyt ótse de kópshilik «eski Qazaqstan» shıneliniń áli sheshilmegenin aıtady.
Al Almaty qalalyq polıııasy Álııa Nazarbaevanyń ústinen qylmystyq is qozǵaýdan bas tartqany habarlanǵan.
2024 jyldyń 12 naýryzynda Astana turǵyndary úıilgen qoqys taýlaryna shaǵymdandy. Ony shyǵarý Nazarbaevamen baılanysty "Clean City NC" JShS jaýapkershiligine júktelgen. Buǵan deıin 2023 jyldyń 26 qyrkúıeginde ekologııa jáne tabıǵı resýrstar mınıstri Erlan Nysanbaev Nazarbaeva kompanııasy qoqys shyǵarýmen aınalyspaıdy dep málimdedi. Alaıda keıinirek mınıstrler kabıneti múshesiniń bul aqparaty shyndyqqa janaspaıtyny belgili boldy. 2024 jyldyń 12 naýryzynda Qazaqstannyń bas ekology qyrkúıek aıynda Nazarbaevamen baılanysatyn kompanııa budan bylaı qoqys shyǵarýmen aınalyspaıdy dep málimdep, onyń buryn jurtqa nege jalǵan aqparat bergenin anyqtaý kerek degen pikir bildirdi.
Sonymen qatar keıingi ýaqytqa deıin temirjol bıletteriniń baǵasyn belgileýde Nazarbaevamen baılanysy bar Instant Payments kompanııasynyń mańyzdy ról atqarǵany belgili. Dál osy kompanııa 2022 jylǵy qańtar oqıǵasyna deıin "Qazaqtelekom" ulttyq kompanııasymen tyǵyz jumys istegen.
2023 jyldyń 20 qyrkúıeginde "Amanat" partııasynan saılanǵan májilis depýtaty Erlan Saırov "ROP operatory" isindegi eks-prezıdenttiń kenje qyzynyń róline prokýratýranyń nazaryn aýdardy.
Qańtar oqıǵasynan keıin kóp uzamaı, 2022 jyldyń 18 qańtarynda Nazarbaevanyń Qazaqstannan 312 mıllıon dollar shyǵarýynyń yqtımal shemasy anyqtaldy. 2022 jyldyń 19 qańtarynda "ROP operatory" qaldyqtardy jınaý quqyǵynan aıyryldy – bul kompanııa Nazarbaevamen baılanysty. Qylmystyq is atyshýly bolǵanymen, eks-prezıdenttiń qyzy sot otyrysyna tipti kýá retinde de qatysqan joq.
Sondaı-aq, Álııa Nazarbaeva men Konstıtýııalyq keńestiń burynǵy tóraǵasy Igor Rogovtyń áıeli Valentına Rogova reıderlik shabýyl jasady dep aıyptalǵan bolatyn.
