Memleket basşysy Qasym-Jomart Toqaev Ūlttyq qūryltaidyŋ V otyrysynda tarihi mūramyzdy saqtau jäne ony zamanaui tehnologiia arqyly zertteu qajettıgın atap öttı, dep habarlaidy "Adyrna" ūlttyq portaly.
Prezidenttıŋ sözınşe, sifrlyq tehnologiialar men jasandy intellekt ūlttyq bıregeilıktı nyǧaitu men mädeniettı saqtauda maŋyzdy röl atqarady.
«Tarihymyz ben mädenietımızdı elektrondyq formatqa köşıru – ūlttyq bolmysty saqtau men älemdık sifrlyq örkenietke qosyludyŋ maŋyzdy qadamy. Sol üşın «Ūlttyq sifrlyq mūra» qoryn qūrudy ūsynamyn», – dedı Qasym-Jomart Toqaev.
Būl bastama arqyly ǧylymi eŋbekter, mūraǧat materialdary, mūrajai qorlary men öner tuyndylary jüielenıp, bolaşaq ūrpaqqa qoljetımdı bolady. Prezidenttıŋ aituynşa, qor tarihi jädıgerlerdı saqtau ǧana emes, olardy tereŋ zerdeleuge jol aşatyn qūral bolady.
