Jambyl oblysynyŋ qoǧam belsendısı Berıkbol Uälihanov Jambyl oblysyndaǧy Densaulyq saqtau basqarmasynyŋ qazırgı basşysy Janar Ospanovanyŋ qyzmetın tekserudı talap etedı. Būl turaly ol Facebook paraqşasyna jazdy. Sonymen qatar, "Adyrna" ūlttyq portalyna Jambyl oblysy, Merkı audandyq ortalyq auruhanasynyŋ därıgerı Qyzylov Asqar esımdı azamattan hat kelıp tüstı. Därıgerdıŋ aituynşa, auruhana basşylyǧy mamandardyŋ eŋbegın qanap otyr. Onymen qoimai, jūmysta sebepsız qarjy jinatu, därıgerlerdıŋ üstemaqysyn qaltasyna basu syndy küdıkke ılıkken. Tıptı, auruhana basşylyǧy adamdardyŋ naqaqtan-naqaq qaitys boluyna da sebepker bolǧan. Ekı azamattyŋ şaǧymy bır adamnyŋ qyzmetın aiyptaumen toǧysady, dep habarlaidy «Adyrna» ūlttyq portaly.
Belsendı Berıkbol Uälihanovtyŋ aituynşa, qazır Jambyl oblysyndaǧy densaulyq saqtau basqarmasy bylyqqa batyp jatyr.
“Jambyl oblysy densaulyq saqtau basqarmasyndaǧy jüielı sybailas jemqorlyq, kadrlyq zaŋsyzdyq pen keleŋsızdıkterge toly intrigalar Türkıstan oblysyndaǧydai körınıs tapty. Būl ÖQB jaŋa bastyǧynyŋ keluımen, iaǧni Jeltoqsan 78 köşesındegı toǧyz qabatty ǧimaratta ornalasqan ÖQB sybailas jemqorlyq basqaru qūrylymyndaǧy J.M.Ospanova hanym jäne onyŋ komandasyna tyǧyz bailanysty. Ol jäne onyŋ jaqyn serıkterı qatardaǧy emes qyzmetkerlerdı negızsız jūmystan şyǧaryp, teksere bastady. Basşylar türlı syltaularmen bopsalap, lauazymdyq ökılettıkterın asyra paidalanyp, «kryşasy» joq nemese ai saiyn az-azdap alym-salyq beretın, joǧaryda kökelerı joq bas därıgerlerge tiısude.
Men kün saiyn Ospanova hanym men onyŋ komandasynyŋ barlyq derlık ısterı turaly aqparat alamyn. Qazır onyŋ komandasy men Ospanova hanym maǧan aqparatty kım aitatynyna alaŋdauly. Ädette aqymaq adamdar osylai jasaidy. Menı bopsalaidy, maǧan küie jaǧady. Olar menıŋ üstımnen kompromat ızdeidı, menı sotpen qorqytady. Eŋ qyzyǧy, olar älı künge deiın belgılı bır somany ūsynbaǧan”,- dep jazdy ol.
Sondai-aq, Berıkbol Uälihanov Ospanovaǧa bärın qalpyna keltırudı talap ettı.
“Ospanova hanym, därıgerler men medisina qyzmetkerlerın qorqytudy doǧaryŋyz. Men bas därıgerlerımızdı qorǧamaimyn. Olar tek öz emhanasynyŋ nemese auruhanasynyŋ masştabynda jürgen sız siiaqty jemqor şeneunıkter. Endı mıne, sızdıŋ handyq ambisiialaryŋyzdyŋ kesırınen oblystyŋ densaulyǧy naşar. Oblystyŋ densaulyq saqtau salasyn jemqorlyqtan, intrigadan, ruşyldyqtan, paraqorlyqtan, ūrlyqtan, därıgerlerdıŋ käsıbi emestıgınen t.b. qalpyna keltırıŋız.
Tynyş kelıp, uaqytyŋyzdy ötep, ar-ūjdanyŋyzdy saqtap, Astanaǧa qyzmetke ketkenıŋızde men bır auyz söz aitpas edım. Öitkeni, sızdıŋ qyzmetkerıŋız Äset Qaliev Aqtöbe oblysynan qylmystyq qudalaudan qaşyp Berdibek atasynyŋ qanatynyŋ astynda. Ol sudan da tynyş, şöptiŋ astynda qyzmet etip, sız aqşa tabatyn «jobalar men, reformalardy» tastap qaşyp ketken. Olar Türkıstan ölkesındegıdei eşteŋe ıstemeitın. Bıraq nege qol astyndaǧylarǧa salyq salasyz? Därıgerlerdıŋ Prezident Q.J. Toqaevqa ündeu joldauyn kütudesız be?”,- dep jazdy Uälihanov.
Uälihanov JİTS ortalyǧynyŋ qyzmetkerlerı WhatsApp arqyly jazǧanyn, olardan da aqşa jinaitynyn aita kettı.
“Mıne, JİTS ortalyǧynyŋ qyzmetkerlerı maǧan WhatsApp arqyly jazdy: Adaş Şalabaiqyzy Moldaşeva barlyq auruhanalardyŋ, emhanalardyŋ ştattyq qyzmetkerı bolyp, toqsan saiyn bas därıgerlerdıŋ orynbasarlarynyŋ, bas buhgalterdıŋ jalaqysyn jäne basqa da somalaryn bekıtıp, oblys boiynşa qarjy ekonomikasy jönındegı orynbasary Perizat Joldūǧūlqyzynyŋ ülesıne qosady. Ai saiyn gaz talonyn tuystarynyŋ auruhanalarynan alady.
Al JİTS ortalyǧy Moldaşevaǧa ai saiyn 200 litr benzin tasidy, basqa da auruhanalar syiaqy töleidı. Sondyqtan Moldaşeva bas därıgerler men orynbasarlardyŋ jalaqysyn bekıtu üşın 50 myŋnan alym jinap alyp, jūmystan şyǧarmaidy. Bır auruhanada 8 qol pozisiia bar, būl qazırdıŋ özınde 400 myŋ. Būl bır ǧana auruhanany eseptegende, bıraq oblystaǧy qanşama auruhanadan aqşa jinaidy?!
Ümbetalieva Perizat Joldyǧūlovna densaulyq saqtau salasynyŋ jaŋa basşysyn jaŋylystyruda, barlyq emdeu mekemelerın negızsız tekserıp, bas därıgerlerdıŋ esep kartasyn alyp, barlyǧyn qorqytyp, olardyŋ orynbasarlaryn qysqartady. Eger ol özı densaulyq saqtau basqarmasynyŋ ekonomika jäne qarjy jönındegı orynbasary bolsa, nege oblys äkımı onyŋ lauazymyn qysqartu turaly mäsele kötermeidı jäne ol oblys äkımı siiaqty äreket etedı? Sondai-aq, bärın özı şeşedı.
Ospanova hanym, ştattan tys qyzmetker Moldaşeva Adas sol arqyly derekter jinaidy. 30 jyl densaulyq saqtauda jūmys ısteidı, 5 jyldan berı zeinetker, qazır frilanser bolyp barlyq aqşany, tauardy jäne talondy özı arqyly alyp otyr. Osy Ümbetaliev, Moldaşeva qyzmetkerlerın ornyna alyp tastaŋyzdar”,- dedı qoǧam belsendısı.
Sonymen qatar, Berıkbol Uälihanov JİTS ortalyǧyn da tekserudı talap ettı.
Mūnymen qosa, Jambyl oblysy, Merkı audandyq ortalyq auruhanasynyŋ därıgerı Qyzylov Asqar esımdı azamat öz jūmysyndaǧy bassyzdyqty aşyp aityp, hat joldady. Hatyn oqyrman nazaryna ūsynamyz:“Olar oblysty qarjylandyrmaidy, Foms barlyq medisinalyq ūiymdarǧa aqşany toqtatyp tastady, oblystyŋ emdeu mekemelerınen qandai jospar sūrasa da, bärı qaryzǧa batady. Aqşa üi januarlaryna köbırek bölınedı.
JİTS ortalyǧynyŋ jūmysyn tekserıŋız. Adas Şalabaiqyzynyŋ jienı jäne barlyq medisinalyq mekemelerde tuystary qyzmet etedı. Ol barlyq tuystary men jaqyndaryn ştattan tys ekonomist Moldaşevamen bırge negızgı qyzmetterge qoiuǧa şaqyrdy”,- dedı Uälihanov.
- 2021 jyly ūjymnan gazet alasyŋdar dep qarjy jinap aldy. Bıraq bır jyldyq gazet kelgen joq. Mūny aşyq aita bastap edık, qaitadan aqşa jinap, 2023 jyldyŋ gazetıne jazdyrdy. Būl ne qylǧany? Jasyratyn tügı joq, auruhanamyzdyŋ jai-küiı kettı. "Jan saqtau", "Hirurgiia" bölımınıŋ jöndeu jūmystaryn sozyp jıberdı. Onyŋ özı oŋyp tūrǧan joq. Al halyqtyŋ ne känısı bar? Sız bılesız be, halyq qanşa uaqyt osy auruhanada qatty qinaldy? Därıgerlerdıŋ jūmys ısteitın orny da joq. "Jansaqtau" bölımın aldy da basqa jaqqa köşırıp jıberdı. Sodan talai adam ölıp kettı. Ony jasyrmaimyn. Basşylyq auruhanada aumaǧynda bolmaǧan «48 aimaq» degen ǧimaratty jalǧan qūjatqa engızıp, aqşa alyp keldı. Olar – 8 adam. Sybailas jemqorlyqqa qarsy basqarmany şaqytyp, tekserttık. Arasynda bıreuın ǧana kınälı qylyp şyǧaryp, soǧan bar qylmysty üiıp-töktı. Ospanova mūnymen qoimai qyzmetınde örlep, Tarazǧa ülken bastyq bolyp auysty. Özınıŋ küieubalasyn qyzmetke taǧaiyndap kettı. Küieubalasy sauatsyz maman. Bılıktılıgın arttyru boiynşa bılım alyp kelgen boldy. Onyŋ özın aitsaŋ, ūiat. Qyzdardyŋ "jynystyq perdesın qaita tıgu" boiynşa oqyp kelgen Ospanovanyŋ küieubalasy bızdı basqaryp otyr. Denı dūrys oquy da joq. Jūmystaǧylarǧa qoldau retınde būrǧynǧy Maqatova degen bastyǧymyz üstemaqy töleitın. Ony būlar qysqartyp tastady. Medbikeler aiaqtan tozyp, köşe-köşenı aralaidy. Olarǧa aiaq kiım şaq kelmeidı. Al basşylyq soǧan bölınetın qarjyny qaltasyna basyp otyr. Bız bır jylda bız 192 million taptyq. Därıgerlerge sonyŋ 30%-yn berıp, qalǧanyn Ükımetke qaldyrsyn. Ol da joq. Halyqqa jūmys ıstegım keledı. Ekı mamannyŋ jūmysyn bır özım atqaryp otyrmyn. Al eŋbegımız baǧalanbaidy, tek qanau ǧana. Laiyq eŋbekaqym qaida? Men halyqtan terıs ainalmaimyn, basşylyq jönge keluı kerek. Memlekettıŋ qarjysy talan-tarajyǧa tüsıp jatyr.Sonymen qatar, berekesı ketken auruhananyŋ basşylyǧyna şaǧym aitqan därıger bızge aryzyn da qosa joldady. Aryzda ol jol-capar aqşasynyŋ tölenbegenın, pandemiia kezındegı "bylyqtardy" aiyptaity. Jöndeu jūmystary barysynda qarjy jymqyrǧan basşylyqqa qatysty tyŋǧylyqty tergeu jürgızudı talap etedı. "Adyrna" ūlttyq portaly aimaqtyq auruhanadan şyqqan kikıljıŋdı öz baqylauynda ūstaityn bolady.
"Adyrna" ūlttyq portaly
