Qazaqstandyq äue kompaniialary ūşaqta qūrt pen basqa da qyşqyl süt önımderın tasymaldau erejelerın tüsındırdı, dep habarlaidy «Adyrna» tılşısı tengrinews.kz-ke sılteme jasap.
Būǧan deiın Threads äleumettık jelısınıŋ qoldanuşysy qalaaralyq äue reisterınde qyşqyl süt önımderın alyp jüruge bola ma degen saual tastaǧan edı. Būl jazba qyzu talqylanyp, äue kompaniialaryna tıkelei saual joldandy.
Vietjet Qazaqstan kompaniiasynyŋ baspasöz qyzmetınıŋ habarlauynşa, qatty qyşqyl süt önımderın, sonyŋ ışınde qūrtty qol jügınde alyp jüruge rūqsat etıledı.
«Olardyŋ salmaǧyna qatysty arnaiy şekteu joq, eŋ bastysy – qol jügınıŋ jalpy salmaǧy äue kompaniiasynyŋ erejesıne sai boluy kerek», – dep naqtylady kompaniia ökılderı.
Al qyşqyl süttı susyndarǧa qatysty talap qataŋyraq. Qymyz, şūbat, airan jäne basqa da sūiyq önımderdı ūşaq salonyna alyp kıruge bolmaidy.
«Mūndai susyndardy jükke ötkızuge rūqsat bar, bıraq olar salqyndatylǧan küide jäne öndırıstık qaptamada boluǧa tiıs. Qaptamada tauardyŋ ştrih-kody, öndıruşı turaly aqparat körsetıluı qajet. Sondai-aq, kölemı bır jolauşyǧa 5 litrden aspauy kerek», – dedı kompaniia ökılderı.
FlyArystan äue kompaniiasynda süt jäne qyşqyl süt önımderın qataŋ şarttarmen ǧana tasymaldauǧa bolady:
* Önımder tek salqyndatylǧan küide qabyldanady;
* Tek tırkelgen jük retınde ötkızıledı (qol jügınde bolmaidy);
* Mūndai jük Limited Release japsyrmasymen taŋbalanady (iaǧni tasymaldauşynyŋ jauapkerşılıgı şekteulı).
Qaptamaǧa da qosymşa talaptar bar:
* Ydys berık, germetikalyq jabylǧan boluy kerek jäne kölemınıŋ 4/5 bölıgıne deiın ǧana toltyryluǧa tiıs;
* Aǧyp ketpeuı üşın önımdı üş qabatty polietilenge orap,
* Syrtynan qatty qorapqa (mysaly, karton qorap) salu qajet.
SCAT äue kompaniiasynda erejeler odan da qataŋ: qyşqyl süt önımderın ärı tırkelgen bagajda da, ärı qol jügınde de tasymaldauǧa tyiym salynady.
Erekşelık tek:
* balalar taǧamyna,
* jäne därıger taǧaiyndaǧan arnaiy dietalyq taǧamǧa ǧana jasalady.
Air Astana erejelerınde qūrt pen basqa qyşqyl süt önımderın tasymaldauǧa tıkelei tyiym salynbaǧan. Degenmen, jolauşylar taǧam alyp jüruge qatysty jalpy talaptardy saqtauy kerek.
Mysaly aǧyp ketudıŋ jäne jaǧymsyz iıstıŋ aldyn alu üşın önım tek berık ärı bütın qaptamada qabyldanady. Qaptama kemınde üş qabattan tūruy kerek, al bırınşı jäne soŋǧy qabat mındettı türde tyǧyz polietilennen jasaluy tiıs.
Saparǧa qūrt nemese basqa qyşqyl süt önımderın almas būryn, jolauşylar naqty äue kompaniiasynyŋ talaptaryn aldyn ala teksergenı dūrys. Sebebı bır kompaniia rūqsat bergen önımdı ekınşısı mülde qabyldamauy mümkın.
