Foto: Getty Images
Grenlandiia men Daniiada AQŞ prezidentı Donald Tramptyŋ araldy «satyp alu» nemese «basyp alu» turaly mälımdemelerıne qarsy myŋdaǧan adam köşege şyqty. Būl jaǧdai halyqaralyq qauymdastyq nazaryn audaryp, Europa elderı men Vaşington arasyndaǧy qarym-qatynasty şielenıstırıp jıberdı. Aqparatty BBC jazdy, dep habarlaidy "Adyrna".
Narazylyq aksiialary Daniia astanasy Kopengagende jäne Grenlandiianyŋ bas qalasy Nuukta öttı. Şeruge şyqqandar «Tart qolyŋdy Grenlandiiadan!», «Iаnki, üiıŋe qait!» jäne «Grenlandiia satylmaidy» degen ūrandar köterdı.
Grenlandiialyq qauymdastyqtardy bırıktıretın Inuit ūiymynyŋ basşysy Kamilla Sizing būl mälımdemelerdı halyqtyŋ öz taǧdyryn özı şeşu qūqyǧyna jasalǧan qysym dep baǧalady.
"Bız Daniia koroldıgıne qūrmet körsetudı jäne Grenlandiianyŋ özın-özı basqaru qūqyǧyn saqtaudy talap etemız", – dedı ol.
Aita keteiık, Donald Tramp Grenlandiiany AQŞ-tyŋ ūlttyq qauıpsızdıgı üşın «öte maŋyzdy strategiialyq nysan» dep sanaidy. Onyŋ josparyna qoldau bolmaǧannan keiın, AQŞ prezidentı europalyq serıktesterıne ekonomikalyq qysym küşeituge köşken.
Aqparatqa säikes, 1 aqpannan bastap Daniia, Norvegiia, Şvesiia, Fransiia, Germaniia, Ūlybritaniia, Niderlandy jäne Finliandiiadan keletın tauarlarǧa 10 paiyzdyq baj salyǧy engızıledı.
Al 1 mausymnan bastap, eger Grenlandiiany satyp alu jönınde kelısımge qol jetkızılmese, būl tarifterdıŋ mölşerı 25 paiyzǧa deiın ösuı mümkın.
