Ukraina prezidentı Vladimir Zelenskii otstavkaǧa ketudı josparlamaitynyn mälımdep, qazırgı uaqytta sailau ötkızu mümkındıgıne qatysty pıkır bıldırdı, dep habarlaidy «Adyrna» tılşısı.
Zelenskii jurnalist Pirs Morgannyŋ «Uncensored» baǧdarlamasyna qonaq bolǧan.
Ukraina basşysy qyzmetınen ketu oiynda joq ekenın rastady. Onyŋ aituynşa, būl — öz jauapkerşılıgı.
«Ärine, joq. Būl — menıŋ jauapkerşılıgım», — dep jauap berdı Zelenskii jurnalistıŋ sūraǧyna.
Sondai-aq saiasatker Donald Trampty qosa alǧanda, bırqatar tūlǧanyŋ sailau ötkızuge şaqyrǧanyna qaramastan, qazırgı jaǧdaida ony ūiymdastyru mümkın emes ekenın aitty.
«Bızge saǧat saiyn şabuyl jasalyp jatyr... Sondyqtan qauıpsızdık tūrǧysynan sailau ötkızu mümkın emes», — dep tüsındırdı Zelenskii.
Ukraina prezidentı maidanda jürgen sarbazdardyŋ da sailauǧa qatysu qūqyǧy boluy kerektıgın atap öttı. Onyŋ pıkırınşe, olar dauys beruge bırınşı kezekte mümkındık aluy tiıs.
«Bız sarbazdardyŋ qatysuynsyz prezidenttı sailai almaimyz. Öitkenı olar öz ömırın qiyp jatyr, tıptı qiǧandary ba bar. Dauys beruge bırınşı kezekte solardyŋ qūqyǧy boluy kerek. Menıŋ oiymşa, būl — ädılettı», — dep tüiındedı ol.
Aita keteiık, Zelenskiidıŋ prezidenttık ökılettık merzımı resmi türde 2024 jylǧy 20 mamyrda aiaqtalǧan. Alaida Kiev äskeri jaǧdai aiaqtalǧanǧa deiın sailau ötkızu mümkın emes ekenın alǧa tartyp, kezektı sailaudy ūiymdastyrmady.
10 qazanda Tramp jurnalistermen äŋgıme barysynda Vladimir Zelenskii sailau ötkızuı kerek ekenın mälımdegen edı. Sondai-aq onyŋ Ukrainadaǧy qaqtyǧysty aiaqtap, beibıt kelısımge qol jetkızuge bırneşe ret mümkındıgı bolǧanyn aitqan.
