AQŞ prezidentı Donald Tramp İrandaǧy jappai narazylyqtarǧa bailanysty qataŋ mälımdeme jasap, eldıŋ joǧarǧy köşbasşysy aiatolla Äli Hameneige bilıkten ketuın talap ettı. Ol İrandaǧy narazylyq bıldıruşılerdıŋ jappai qaza tabuy men eldegı küizelıs üşın jauapkerşılıktı tıkelei Hameneige jüktedı.
«İranda jaŋa basşylyqty ızdeitın uaqyt keldı. Onyŋ (Hamenei — red.) ömırınde qabyldaǧan eŋ dūrys şeşımı — ekı kün būryn 800-den astam adamdy darǧa asuǧa barmaǧany», — dedı Tramp Politico basylymyna bergen pıkırınde.
Būl mälımdeme bilıktegı rejimnıŋ otstavkasyn talap etken jappai narazylyqtardyŋ bäseŋdegenı turaly habarlar aiasynda aityldy.
Tramptyŋ būl sözı Hamenei X äleumettık jelısınde AQŞ prezidentıne qarsy bırqatar qataŋ mälımdeme jariialap, İrandaǧy zorlyq-zombylyq pen tärtıpsızdıkter üşın ony aiyptaǧannan keiın aityldy.
«Bız AQŞ prezidentın iran halqyna keltırılgen qūrbandar, zalal men jala üşın kınälı dep sanaimyz», — dep jazdy Hamenei.
Basqa bır jazbasynda ol Trampty zorlyq-zombylyq jasaityn toptardy iran halqynyŋ ökılderı retınde körsetıp otyr dep aiyptady.
Aq üi basşysy öz kezegınde «Tegerandaǧy bilık repressiia men zorlyqqa süienıp otyrǧanyn» atap öttı.
Aita ketsek, Aiatolla Äli Hamenei İrandy 37 jyldan berı basqaryp keledı jäne eldıŋ saiasi ärı dıni jüiesındegı negızgı tūlǧa sanalady. İrannyŋ resmi bilıgı Tramptyŋ mälımdemesıne äzırge pıkır bıldırgen joq.
Būǧan deiın, 13 qaŋtarda, AQŞ prezidentı Donald Tramp irandyqtardy narazylyqty jalǧastyruǧa, «instituttardy basyp aluǧa», sondai-aq «öltıruşıler men zäbır körsetkenderdıŋ» esımderın tırkeuge şaqyryp, olardyŋ «ülken baǧa töleitının» mälımdegen bolatyn.
«Narazylyq bıldıruşılerdı maǧynasyz öltıru toqtatylǧanǧa deiın irandyq şeneunıktermen barlyq kezdesulerdı toqtattym. Kömek jolda», – dep jazdy Tramp 13 qaŋtarda özınıŋ Truth Social äleumettık jelısınde.
Kelesı künı, 14 qaŋtarda, Tramp özıne İrandaǧy kısı öltırulerdıŋ «bäseŋdegenı» turaly habarlanǧanyn aitty. Alaida narazylyqqa qatysuşylar mūny AQŞ prezidentınıŋ «satqyndyǧy» dep baǧalady.
«Öte maŋyzdy derekköz bızge ekınşı taraptan İrandaǧy ölım jazalary toqtatylǧanyn habarlady. Būl ras pa, joq pa – anyqtaimyz. Solai bolǧanyna ümıttenemın», – dedı Tramp jurnalisterge. Alaida ol būl aqparat közderın naqty atamady.
AQŞ-tyŋ İranǧa qarsy äskeri äreketterı qarastyrylyp jatyr ma degen sūraqqa jauap bergen Tramp mümkın bolatyn äskeri qimyldardy joqqa şyǧarmai, «bız prosestı baqylap otyramyz» dep mälımdedı.
