Almaty halyqaralyq äuejaiynda aua raiynyŋ qolaisyzdyǧyna bailanysty bırqatar äue reisterı keiınge qaldyryldy, dep habarlaidy "Adyrna" ūlttyq portaly.
17 qaŋtarda josparlanǧan keibır reister keşkı uaqytqa auystyrylǧan. Äuejai äkımşılıgınıŋ mälımetınşe, qauıpsızdıktı qamtamasyz etu maqsatynda barlyq qyzmet küşeitılgen rejimde jūmys ıstep jatyr.
«Äuejaidyŋ barlyq qyzmetı küşeitılgen rejimde jūmys ısteude, kıdırısterdı barynşa azaitu üşın tiıstı şaralar qabyldanyp jatyr. Jolauşylar men ekipaj müşelerınıŋ qauıpsızdıgı – basty basymdyǧymyz», – delıngen resmi habarlamada.
Äuejai jolauşylardy reister kestesındegı yqtimal özgerısterge tüsınıstıkpen qarauǧa şaqyrdy. Sondai-aq jolauşylarǧa öz äue kompaniialarynan ūşu uaqyty turaly aldyn ala naqtylap, alaport.com resmi saityn qadaǧalap otyru ūsynyldy.
