Almaty qalalyq polıııa departamenti 47-avtobýstyń bir top adamdy qaǵyp ketken sátiniń vıdeosyn jarııalady. Qaıǵyly oqıǵa búgin, saǵat 18:15-te boldy, dep habarlaıdy «Adyrna» tilshisi.
Basqarmanyń baspasóz qyzmeti qoǵamdyq kóliktiń jolaýshysy janjal saldarynan júrgizýshi áıeldi urǵandyǵyn, ol esin joǵaltyp, kólikti basqara almaı qalǵanyn jazdy.
Oqıǵa saldarynan 3 adam qaza taýyp, taǵy 4 adam dene jaraqattaryn aldy. Olar aýrýhanaǵa jetkizildi.
«Qoǵamdyq kólik júrgizýshisin urǵan er adam ustaldy. Oǵan qatysty QR QK-niń 293-baby(buzaqylyq) jáne QR QK-niń 351-baby (eki nemese odan da kóp adamnyń ólimine ákep soqqan kólikti qaýipsiz paıdalanýdy qamtamasyz etetin erejelerdi buzý) boıynsha qylmystyq is tirkeldi. Osy bap boıynsha ol 8 jylǵa deıingi merzimge bas bostandyǵynan aıyrylýy múmkin. Ustalǵan adam PD-niń ýaqytsha ustaý ızolıatoryna qamaldy»,—delingen habarlamada.
Beınejazbany kórý úshin siltemeni basyńyz.
