Qazaqstan prezidentınıŋ kezekten tys sailauy 20 qaraşada ötedı. Qasym-Jomart Toqaev jarlyqqa qol qoidy, bügınge öŋırlerde saiasi nauqanǧa daiyndyq pysyqtalu üstınde, dep habarlaidy» Adyrna» tılısışı.
Sanauly künnen keiın ötetın būl sailaudyŋ jönı bölek, joly basqa. El aumaǧynda nauqanǧa degen daiyndyq qyzu. El üşın maŋyzdy künı dauys beru qūqyǧy bar jannyŋ sailaudan qalys qalmauyna bar mümkındık qarastyryluda. Äsırese, mümkındıgı şekteulı jandar üşın arnaiy jaǧdai jasalmaq.
Mäselen, Almaty qalasynda sailau qūqyǧy bar mümkındıgı şekteulı 43 000-nan astam adam tūrady. Sonyŋ ışınde 6209 adamǧa dauys beru kezınde qolaily jaǧdai jasaudy qajet etedı.
«Barlyq sailau uchaskelerınde mümkındıgı şekteulı jandar üşın qoljetımdılık qamtamasyz etılgen. Barlyq sailau uchaskelerı bırınşı qabattarda ornalasqan, pandustar men taktildı körsetkışter bar. Būdan basqa, sailau uchaskelerınde jasyryn dauys beruge arnalǧan arnaiy kabinalar, sondai-aq mümkındıgı şekteulı azamattar üşın beiımdelgen formatta monitory bar kompiuterler qarastyrylǧan. Sondai-aq dauys beru künı 54 invataksi qyzmet etedı», - dep jazylǧan Ortalyq sailau komissiiasy taratqan habarlamada.
Ūqsas jaŋalyqtar
