Qytai halyq respublikasyna jūmys sapary aiasynda Batys Qazaqstan oblysynyŋ äkımı Nariman Töreǧaliev qytailyq biznes ökılderımen bırneşe kezdesu ötkızıp, yntymaqtastyq turaly bes ekıjaqty memorandumǧa qol qoidy. Qūjattarǧa qol qoiu räsımı Qytaidyŋ jetekşı kompaniialary basşylarynyŋ qatysuymen Qazaqstan Respublikasynyŋ Qytai halyq respublikasyndaǧy Elşılıgınde öttı.
Būl şaralar Qazaqstan Respublikasynyŋ Prezidentı Qasym-Jomart Toqaevtyŋ investisiia tartu jäne öŋırlerdıŋ önerkäsıptık äleuetın damytu jönındegı tapsyrmasyn oryndau maqsatynda jürgızılude.
QHR astanasynda medisina, önerkäsıp, energetika, qūrylys jäne gaz-himiia salalaryn qamtityn bes memorandumǧa qol qoiyldy:
«Cheng Tian Run Kang Medical Limited» kompaniiasymen özara yntymaqtastyq turaly memorandum – medisinalyq infraqūrylymdy damytuǧa jäne densaulyq saqtau salasynda tehnologiialardy beiımdeuge baǧyttalǧan.
«Yino» halyqaralyq kompaniiasymen (Gonkong) memorandum – önerkäsıp sektorynda jäne auyl şaruaşylyǧy tehnikasyn öndıru boiynşa bırlesken jobalardy jüzege asyrudy közdeidı.
Vega Power kompaniiasymen memorandum – energetikalyq serıktestık jäne balamaly energiia közderın engızu mäselelerın qamtidy.
Sunway Concept Limited- pen özara tüsınıstık turaly memorandum tūrǧyn üi qūrylysyn damytuǧa jäne qalalyq infraqūrylymdy jaŋǧyrtuǧa baǧyttalǧan.
Foshan City Construction Engineering Co., Ltd. jäne «Zhaik Petroleum LTD» kompaniialarymen üşjaqty memorandum – BQO aumaǧynda metanol öndıretın zauyt salu turaly.
Qazaqstan Respublikasy Batys Qazaqstan oblysy äkımdıgı, CHN Energy International Development Co., Limited jäne «Batys Pauer» JŞS arasyndaǧy GTES-200 «Oral» stansiiasyn keŋeitu jobasyn ıske asyru boiynşa jol kartasy
Nariman Töreǧaliev QHR öŋırdıŋ negızgı syrtqy ekonomikalyq serıktesterınıŋ bırı bolyp qala beretının atap öttı. Qol qoiylǧan qūjattar investisiialardyŋ ösuıne, jūmys oryndarynyŋ aşyluyna jäne Batys Qazaqstannyŋ öndırıstık äleuetın damytuǧa yqpal etetın jaŋa jobalarǧa bastama beredı.
"Prezidenttıŋ qoldauy, Ükımettıŋ jüielı jūmysy jäne öŋırdıŋ aşyqtyǧy bızge jaŋa öndırıster men jūmys oryndaryn qūra otyryp, investisiialyq jobalardy senımdı türde ılgerıletuge mümkındık beredı. Qol qoiylǧan memorandumdar – būl özara ıs – qimyldyŋ naqty nätijesı", - dep atap öttı N. Töreǧaliev.
Är baǧyt boiynşa salalyq vedomstvolar men investorlardyŋ qatysuymen jeke ıs-qimyl jospary äzırlenetın bolady.
Būl kezdesu Qazaqstan Respublikasynyŋ Qytai halyq respublikasyndaǧy Elşılıgınıŋ qoldauymen ūiymdastyryldy.
