Oral qalasynda Batys Qazaqstan oblysynyŋ prokuraturasy ūiymdastyrǧan «Zaŋ men tärtıp: Dınnıŋ rölı» taqyrybyndaǧy döŋgelek üstel öttı. Jiynǧa oblys basşylyǧy, memlekettık jäne qūqyq qorǧau organdarynyŋ ökılderı, dästürlı dıni bırlestıkter men biznes qauymdastyǧy qatysty.
Oblys prokurory Nūrbek Ūlasbekūly qoǧamdyq qauıpsızdıktı qamtamasyz etu memleket, qoǧam jäne biznestıŋ bırlesken jūmysyna bailanysty ekenın aitty. Ol mysal retınde «Qauıpsız öŋır» jobasynyŋ nätijelerın keltırdı. Joba aiasynda 12 aula abattandyrylyp, 300 beinebaqylau kamerasy ornatyldy, 17 köşe men alty mektepke kıreberıs jol jaryqtandyryldy. Sonyŋ nätijesınde qylmys deŋgeiı 18 paiyzǧa tömendegen.
Oblys äkımınıŋ orynbasary Qaiyrjan Meŋdıǧaliev qoǧamdaǧy zaŋ üstemdıgın nyǧaituda dästürlı dınderdıŋ orny erekşe ekenın atap öttı. Onyŋ aituynşa, jastardyŋ qūqyqtyq jäne dıni sauattylyǧyn arttyru maŋyzdy mındetterdıŋ bırı. Būl baǧytta Oraldaǧy «YNTYMAQ» konfessiiaaralyq kelısım ortalyǧy teologiialyq jäne qūqyqtyq keŋes berıp, aqparattyq-tüsındıru jūmystaryn jürgızude.
Qazır oblysta segız konfessiiany bırıktıretın 96 dıni bırlestık jūmys ısteidı. Olarǧa 300 myŋnan astam adam qatysady. Būl äleuet qūqyq būzuşylyqtyŋ aldyn alu, qoǧamdyq kelısımdı nyǧaitu jäne «Zaŋ men tärtıp» qaǧidattaryn nasihattau baǧytynda paidalanylmaq.
Döŋgelek üstel qorytyndysynda dästürlı dıni bırlestıkterdıŋ «Qauıpsız öŋır» jobasyna qatysuyn keŋeitu jönındegı bastama qoldau tapty.
