Qazaqstanǧa mūnai tasymaldaityn balamaly baǧyttar qajet. Būl turaly saiasi sarapşy Asqar Japarov Report agenttıgıne bergen sūqbatynda aitty, dep habarlaidy «Adyrna» tılşısı.
Ol mūnai eksportynyŋ balamaly baǧyttary Baku-Tbilisi-Djeihan (BTD) mūnai qūbyry men transkaspiilık logistikalyq tızbekter, Kaspii qūbyry konsorsiumy üşın strategiialyq saqtandyru ekendıgın mälımdedı.
Aituynşa, mäsele balamaly baǧytty bır ret qana qoldanu emes, KQK infraqūrylymyna jasalǧan şabuyldar jaǧdaiynda mūnai eksportynyŋ tūraqtylyǧyn jüielı türde arttyruda bolyp otyr. Sarapşy Qazaqstan üşın mūnai eksportynyŋ balamaly baǧyttaryn qalyptastyruda negızgı röldı Äzerbaijan atqaratynyn atap öttı.
«Baku ıs jüzınde balamaly jetkızu jüiesınıŋ negızgı torabyna ainalǧan, sebebı onyŋ aumaǧy arqyly senımdı, saiasi tūrǧydan boljamdy jäne tehnologiialyq tūrǧydan täjıribeden ötken marşrut (BTD mūnai qūbyry) ötedı. Būl eldıŋ Qazaqstanmen de, batystyq energetikalyq kompaniialarmen de tūraqty serıktestık qatynastary bar. Osy faktor Būl Äzerbaijan baǧytyn tek teoriialyq emes, naqty praktikalyq balamaǧa ainaldyrady»,-dedı Japarov.
Ol mūndai baǧyttardyŋ arqasynda Qazaqstan bır ǧana eksporttyq baǧytqa täueldı bolmaitynyn atap öttı.
«Jūmys ısteitın balamanyŋ boluy teŋgerımdı özgertedı. Būl naryqqa Qazaqstan mūnaiyn eksporttau tek bır baǧytqa nemese bır saiasi faktorǧa täueldı emes degen signal beredı»,- dep tüsındırdı sarapşy.
Aituynşa, balamaly baǧyttar bügıngı künı KQK-ny tolyq almastyrmai, tek tolyqtyrady.
«Kölemderge şekteu, Kaspiidegı flotqa qosymşa investisiialau qajettılıgı, port quattaryn keŋeitu jäne tarifterdı kelısu uaqyt pen üilestırudı talap etedı. Degenmen, strategiialyq baǧyt aiqyndalǧan. Äzerbaijan arqyly Transkaspiilık marşrutty keŋeitu — daǧdarysqa qysqa merzımdı reaksiia emes, Qazaqstannyŋ eksport saiasatyn diversifikasiialau jäne energetikalyq qauıpsızdıkke baǧyttalǧan ūzaq merzımdı kurs», — dedı saiasi sarapşy.
Būǧan deiın Energetika ministrlıgı Qara teŋız akvatoriiasynda Qazaqstannyŋ eksporttyq mūnaiyn tasymaldaǧan ekı tankerge şabuyl jasalǧanyn aitqan edı.
