Kaspii qūbyr konsorsiumy nysandarynyŋ qauıpsızdıgın qamtamasyz etetın kelısım jasalǧany dūrys. Būl turaly AQŞ-tyŋ Qazaqstandaǧy elşısı Deniel Rozenblium Astana qalasynda BAQ ökılderımen ötken döŋgelek üstelde aitty, dep habarlaidy «Adyrna» tılşısı.
«Kaspii qūbyr konsorsiumynyŋ kommersiialyq jäne azamattyq nysandary men infraqūrylymynyŋ qauıpsızdıgın qamtamasyz etuge kömektesetın qandai da bır kelısım bolsa, barlyǧyna jaqsy bolar edı. Men mūnyŋ qanşalyqty mümkın ekenın bılmeimın, bıraq äskeri äreketter kommersiialyq jäne azamattyq nysandarǧa eşqandai äser etpeuı üşın osyndai kelısım jasalǧanyn dūrys dep sanaimyn»,—dedı ol.Aituynşa, qazaqstandyq jäne amerikalyq taraptar Kaspii qūbyr konsorsiumynyŋ qauıpsızdıgı mäselesı talqylaǧan.
«Būl tek Qazaqstan ükımetımen ǧana emes, mūnaidy üzdıksız jäne qauıpsız tasymaldau üşın öz jūmysynda konsorsiumǧa senetın türlı kompaniialardyŋ ökılderımen de kelıssözder jürgızıldı. «QazMūnaiGaz» memlekettık kompaniia bolǧandyqtan, būl kompaniianyŋ, investorlardyŋ jäne Qazaqstan ükımetınıŋ jauapkerşılıgınde»,—dep tolyqtyrdy elşı.
Ūqsas jaŋalyqtar
