AQŞ prezidentı Donald Tramp federaldyq tergeu biurosy (FBR) Nvidia kompaniiasynyŋ basşysy Djensen Huangqa qatysty jaǧdaidy tekserıp jatqanyn aitty, dep habarlaidy "Adyrna" ūlttyq portaly VVS-ge sıltep.
Oǧan Qytai arnaiy qyzmetterımen bailanysy bar degen küdıkke ılıngen äielmen köŋıl jarastyrdy degen aqparat taraǧan.
Tramp düisenbıde jurnalisterge Djensen Huangpen osy mäselege bailanysty söileskenın aitqan. Onyŋ sözınşe, äŋgıme barysynda käsıpkerden äieldıŋ Qytai barlau qyzmetıne qatysy bar ekenın bılgen-bılmegenın sūraǧan.
«Ol äieldıŋ tyŋşy ekenın bılmegenın aitty. Men oǧan tolyq senemın», – dedı AQŞ prezidentı.
Būǧan deiın amerikalyq basylymdar AQŞ arnaiy qyzmetterı Huangtyŋ Elis Huang esımdı äielmen nekeden tys qarym-qatynasta bolǧanyn anyqtaǧany turaly aqparat taratqan. Äiel Qytai barlau qyzmetımen bailanysy bar degen küdıkke ılıngen. Ol Singapurda ornalasqan, derekter ortalyqtaryn basqaratyn ärı Nvidia chipterın satyp alatyn Megaspeed kompaniiasymen bailanysty ekenı aitylǧan.
Jeksenbıde Djensen Huang jūbaiyna opasyzdyq jasaǧanyn moiyndaǧan. Osydan keiın Nvidia kompaniiasy jaǧdaiǧa bailanysty täuelsız tekseru jürgıze bastaǧan. Kompaniia ökılderı äzırge qūpiia aqparattyŋ syrtqa taraǧany nemese AQŞ ūlttyq qauıpsızdıgıne nūqsan kelgenı turaly derek joq ekenın mälımdegen.
Al Qytai bilıgı eldıŋ Huangqa qatysty barlau operasiialaryn jürgızgenın joqqa şyǧardy. Qytai syrtqy ıster ministrlıgı mūndai aiyptaulardy negızsız ärı Qytaidyŋ bedelıne nūqsan keltıruge baǧyttalǧan mälımdeme dep atady.
Tramp FBR būl mäselenı zerttep jatqanyn rastaǧanymen, tergeudıŋ qaşan bastalǧanyn jäne özge de mälımetterdı naqtylamady. FBR BBC arnasynyŋ saualyna tüsınıkteme beruden bas tartqan.
Sonymen qatar atalǧan janjaldan keiın Nvidia aksiialarynyŋ qūny kürt tömendep, kompaniianyŋ naryqtyq kapitalizasiiasy jüzdegen milliard dollarǧa qysqarǧany habarlandy.
