Atyrau oblysynda zeinet jasyndaǧy erlı-zaiyptylardyŋ ölımıne qatysty tergeu jalǧasyp jatyr, dep habarlaidy "Adyrna" ūlttyq portaly.
Osyǧan deiın marqūmdardyŋ denesı öz üilerınıŋ aumaǧynan, saraidyŋ ışınen tabylǧan.
Tuystarynyŋ aituynşa, qylmys ornyn belgısız bıreuler tazalauǧa tyrysqan.
«Saraidyŋ ışınde divan tūrǧan. Sol divannyŋ astynan aǧam men onyŋ äielınıŋ denesın taptyq. Eden qazylyp, şamamen 1,2–1,3 metr tereŋdıkte şūŋqyr jasalǧan. Mäiıtterdıŋ üstın kiızben jauyp, üstıne ekı oryndyq divan qoiypty. Bız olardy bükıl auyl bolyp ızdep jürıp taptyq. Tekseru barysynda saraidyŋ ışkı qabyrǧalarynda qan şaşyraǧan ızder bolǧany anyqtaldy, olardy sürtıp tastaǧan. Izder anyq körınbese de, linoleumge qan sıŋıp ketkenı baiqaldy. Mūnyŋ bärın jasyru üşın üstıne kılemder tösegen», – dedı marqūm er adamnyŋ äpkesı Farizat Kenjeǧalieva.
Atyrau oblystyq polisiia departamentı äleumettık jelılerde taraǧan türlı qauesetterge qatysty tüsınıkteme berdı. Vedomstvonyŋ baspasöz hatşysy Meiırım Erdaulet erlı-zaiyptylardyŋ tūnşyqtyrylmaǧanyn, kerısınşe, pyşaq jaraqattary anyqtalǧanyn mälımdedı.
«Äleumettık jelılerde türlı nūsqalar tarady. Saraptama nätijesı boiynşa marqūmdardyŋ denesınen pyşaqpen salynǧan kesıp-tesken jaraqattar tabyldy. Mäiıtter sot-medisinalyq saraptamaǧa jıberıldı. Qazırgı taŋda jaraqattardyŋ naqty sany, ölım sebebı men qylmystyŋ uaqyty anyqtalyp jatyr», – dedı ol.
Būǧan deiın habarlanǧandai, būl ıs boiynşa negızgı küdıktı – qaza tapqandardyŋ küieu balasy, 29 jastaǧy Sūltan Särsemäliev. Ol halyqaralyq ızdeuge jariialanǧan.
