İrannyŋ BŪŪ-daǧy tūraqty ökılı Amir Said İravani BŪŪ Bas hatşysy Antonio Guterrişke jäne Qauıpsızdık keŋesınıŋ töraǧasyna hat joldady, dep habarlaidy "Adyrna" ūlttyq portaly Al Jazeera-ǧa sıltep.
İravanidıŋ aituynşa, Tramptyŋ İrandaǧy narazylyqtarǧa bailanysty jasaǧan mälımdemelerı arandatuşylyq sipatqa ie jäne BŪŪ Jarǧysy men halyqaralyq qūqyq normalaryn öreskel būzady. AQŞ prezidentı eger İranda şeruşılerge qarsy küş qoldanylsa, Vaşington «küresuge daiyn» ekenın aitqan bolatyn.
"Qandai da bır ışkı tärtıpsızdıkterdı syrtqy qysym nemese äskeri aralasu arqyly qozdyru, qoldau körsetu nemese zaŋdastyru İran İslam Respublikasynyŋ egemendıgıne, saiasi täuelsızdıgıne jäne aumaqtyq tūtastyǧyna qarsy auyr qūqyqbūzuşylyq bolyp tabylady", — dep jazdy İravani öz hatynda.
Sonymen qatar İran tarapy memlekettıŋ egemendıgın qorǧauǧa tolyq qūqyǧy bar ekenın atap ötıp, būl qūqyqty «qataŋ ärı teŋgerımdı türde» jüzege asyratynyn mälımdedı. İravani AQŞ-ty zaŋsyz qauıp-qaterler men odan tuyndaityn şielenısterdıŋ barlyq saldary üşın jauapkerşılıktı öz moinyna aluǧa şaqyrdy.
