Äleumettık jelıde Almaty qalasyn damytu ortalyǧynyŋ basşysy Ruslan Berdenov dıni közqarasyna bailanysty özı basqaryp otyrǧan mekemede jaŋajyldyq korporativtık keş ötkızuge tyiym saldy degen aqparat tarady. Būl mälımet alǧaş ret Threads platformasynda jariialanǧan, dep habarlaidy “Adyrna”.
Jelı qoldanuşysynyŋ jazuynşa, Ruslan Berdenov korporativtık keşten bas tartyp qana qoimai, qyzmetkerlerge arnalǧan tättı syilyqtardy da taratpaǧan.
«Mūny ūjymǧa “Jaŋa jyl mūsylmandardyŋ merekesı emes” dep tüsındırdı. Alaida Jaŋa jyl Qazaqstanda “Merekeler turaly” zaŋǧa säikes memlekettık mereke bolyp sanalady», – dep jazdy jelı qoldanuşysy.
Alaida Ruslan Berdenov Instagram paraqşasynda jazba jariialap, taraǧan habarlamalardyŋ şyndyqqa janaspaitynyn mälımdedı.
«Qazaqstan – zaiyrly memleket. Bız köpūltty, köpkonfessiialy elmız. Sondyqtan men üşın, basşy retınde «dūrys» nemese «būrys» dın men mädeniet ökılderı degen ūǧym joq jäne boluy da mümkın emes. Men üşın Jaŋa jyl eŋ aldymen otbasylyq meiram.
Dıni sebeppen merekenı atap ötuden bas tartu, korporativterdı nemese jaŋa jyldyq syilyqtardy alyp tastau turaly eşqandai şeşım qabyldanǧan joq jäne ondai şeşım qabyldanuy da mümkın emes.
«Jaŋa jyl – mūsylman merekesı emes, sondyqtan bız qyzmetkerlerdı qūttyqtamaimyz» degen mälımdemeler şyndyqqa janaspaidy. Osyndai habarlamalarǧa saqtyqpen qarap, tekserılmegen aqparatqa süienıp, qorytyndy jasamaularyŋyzdy sūraimyn», – dedı ol.
Berdenovtıŋ aituynşa, qazır kompaniianyŋ qauıpsızdık qyzmetı būl jaǧdaidy tekserıp jatyr. Aqparatty kım taratqany jäne onyŋ nege būrmalanǧany anyqtalyp jatyr.
