Bıyl Qurban aıt merekesi 16 maýsymda bastalady. Bul týraly Qazaqstan musylmandary dinı basqarmasy aıtty, dep habarlaıdy «Adyrna» tilshisi.
«2024 jyly 6 maýsymda jańa aıdyń kórinýine baılanysty bıyl zulhıjja aıy 7 maýsymda bastalyp, arapa 15 maýsymǵa, al qurban aıt 16 maýsymǵa saı keledi»,—delingen habarlamada.
Buǵan deıin QMDB dinı merekeler kestesinde Qurban aıt 17 maýsym bolyp bekitilgen edi. Osy jyly merekeniń alǵashqy kúni jeksenbige túsip turǵandyqtan, qazaqstandyqtarǵa qosymsha demalys berilmeıdi.
«2024 jylǵa arnalǵan merekeler men demalys kúnderiniń kúntizbesi jasalǵanda, QMDB resmı túrde Qurban aıt 17 maýsymǵa sáıkes keletinin habarlady. Bul kún jumys kúni bolǵandyqtan, demalys bolady dep josparlanǵan. Qazir QMDB Qurban aıt 16 maýsymǵa saı keledi dep jarııalady. Demalys kúnderine saı keletin dinı merekeler jyljytylmaıdy. Sondyqtan demalys kúni aýyspaıdy»,—dep túsindirdi Eńbek jáne halyqty áleýmettik qorǵaý mınıstrligi.
