FOTO: GAVRIIL GRIGOROV | REUTERS / SCANPIX
Senbı künı Kremlde Resei prezidentı Vladimir Putin men AQŞ prezidentınıŋ arnaiy ökılderı Stiv Uitkoff pen Djared Kuşner arasynda Ukrainadaǧy soǧysty toqtatu mäselesıne qatysty kelıssözder öttı. Kremldıŋ habarlauynşa, jabyq esık jaǧdaiynda ötken kezdesu üş saǧattan astam uaqytqa sozylǧan. Būl turaly VVS jazdy, dep habarlaidy “Adyrna”.
«Kezdesu üş saǧattan astam uaqytqa, dälırek aitqanda 3 saǧat 10 minutqa sozyldy», – dedı jurnalisterge Putinnıŋ kömekşısı Iýrii Uşakov.
Onyŋ aituynşa, kezdesu barysynda Uitkoff pen Kuşner Ukrainadaǧy soǧys qimyldaryn tez arada toqtatuǧa müddelı ekenın bıldırıp, qaqtyǧysty retteu jönındegı öz ūsynystaryn ortaǧa salǧan.
«Amerikalyq ökılder būl saparǧa tyŋǧylyqty daiyndalǧan. Olar soǧys qimyldaryn mümkındıgınşe tez aiaqtauǧa degen dästürlı qyzyǧuşylyqtaryn bıldırıp qana qoimai, retteudıŋ yqtimal joldaryna qatysty bırqatar ūsynystaryn da aitty», – dedı Uşakov.
Uşakovtyŋ mälımdeuınşe, Putin Tramptyŋ ökılderıne Reseidıŋ Ukrainada aldyna qoiǧan maqsattaryna qol jetkızuge niettı ekenın jäne qaqtyǧysty retteu üşın onyŋ sebepterın joiu qajet ekenın aitqan. Resei tarapy Amerika ökılderıne maidan şebındegı jaǧdaiǧa qatysty öz baǧasyn da ūsynǧan.
Uşakovtyŋ sözınşe, AQŞ ökılderı Kievte ötetın aldaǧy kelıssözder barysynda Putinnıŋ baǧalaularyn eskeruge uäde bergen. Būl kezdesulerdıŋ maqsaty – soǧysty toqtatu jönındegı ūzaq merzımdı kelısımge qol jetkızudıŋ joldaryn tabu.
Tramptyŋ arnaiy ökılderı Kremldegı kezdesudıŋ qorytyndysyna äzırge tüsınıkteme bergen joq. Senbı künı keşke olar Mäskeudegı «Vnukovo» äuejaiynan şyǧyp, Ukrainaǧa Vladimir Zelenskiimen kelıssözder jürgızu üşın attandy.
Jeksenbıge qaraǧan tünı älemdık aqparat agenttıkterı Aq üi ökılınıŋ qysqaşa mälımdemesın taratty. Onyŋ aituynşa, Mäskeude Tramptyŋ ökılderı «taiau aptalarda jariialanatyn aldaǧy ıs-qimyldardyŋ naqty josparlaryn talqylaǧan jäne Ukrainadaǧy kezdesuler de däl osyndai nätijelı bolady dep ümıttenedı».
