26 sáýir men 30 sáýir aralyǵynda Vnýkovo áýejaıyna barǵan 3 myńnan astam tájik azamaty birneshe kún eshqandaı jaǵdaı jasalmaǵan Reseı qamaýynda otyryp, aqyry 643 azamat Tájikstanǵa deportaııalandy, dep habarlaıdy "Adyrna" ulttyq portaly «Azııa-Plıýs» agenttigine siltep.
Derekkózdiń habarlaýynsha, Tájikstannyń taǵy 117 azamatyna qatysty deportaııalaý týraly sheshim qabyldanǵan.
«Qazir bul azamattar da Vnýkovo áýejaıynyń ýaqytsha ustaý ızolıatorynda adam tura almaıtyn jaǵdaıda ustalyp, otanyna ketýdi kútýde», - dep atap ótti Tájikstan Respýblıkasynyń Syrtqy ister mınıstrligi.
Derekkóz osyndaı qıyn jaǵdaı Jýkovskıı jáne Domodedovo áýejaılarynda da oryn alǵanyn atap ótti.
Tájikstannyń Syrtqy ister mınıstrligi taǵy da el azamattaryna Reseı aýmaǵyna barýdan bas tartýdy qatań túrde usynýda.
Eske sala keteıik, 30 sáýir kúni Reseı tarapynyń ótinishimen Tájikstan syrtqy ister mınıstri Sırojıddın Mýhrıddın reseılik áriptesi Sergeı Lavrovpen telefon arqyly sóılesip, Máskeýdegi Tájikstan azamattaryn tekserý jaıyn talqylaǵanyn habarlaǵan bolatynbyz.
