Ózbekstannyń Namangan oblysynda álemniń ekinshi ustazy, ǵulama ǵalym Ábý Nasyr ál-Farabıdiń kitaby tabyldy. Bul týraly oblys ákimdigi málimdedi, dep habarlaıdy “Adyrna” ulttyq portaly.
Ákimdiktiń málimetinshe, onda tabylǵan kitaptan bólek XI–XIV ǵasyrǵa tán kóne qylyshtar da bar.
«Sırek kezdesetin úsh kitapta ǵylym, fılosofııa jáne tarıhqa qatysty biregeı bilim jazylǵan» delingen habarlamada.
Sonymen qatar, Ahsıkent arheologııalyq saıabaǵynyń quramyndaǵy Jańa Ahsı keshenindegi baǵa jetpes jádigerler sany onǵa kóbeıip, kollekııa 475-600 jyldarǵa táne Baktrııa monetasy men XIX ǵasyrda mórlengen Qytaı monetasymen tolyqqan.
«Mamandar XI ǵasyrǵa tıesili dep baǵalaǵan qylysh urys jaǵdaıynda saqtalǵan. Ony Aksıkenttiń ustalary qatty bolattan jasaǵan. Álemdik bolat ortalyǵy retinde tanylǵan Aksıkent jumsaq jáne qatty bolatpen tanymal. Onyń qalaı jasalatyny áli kúnge deıin jumbaq. Ekinshi qarý XIV ǵasyrǵa jatady jáne ony Ámir Temirdiń arnaıy sarbazdary qoldanǵan» deıdi vedomstvodan.
